Հովսեփ Հովսեփյանը ծնվել է 2000 թվականի փետրվարի 21-ին: Երեխան առողջ էր ծնվել, ծնողների խոսքով` բժիշկների անփույթ վերաբերմունքի պատճառով Հովսեփն աղիքային ծանր հիվանդություն է ձեռք բերել, մասնագետ բժիշկների խոսքով` Հովսեփի վիճակն անկայուն էր, եւ հույս չկար, թե կապրի: Հովսեփի տատը վերցրեց երեխային ու տարավ Երեւանի Սբ. Սարգիս եկեղեցի: Նա ուխտ արեց, որ 7 տարի Հովսեփի մազերը չի կտրի, միայն թե երեխան առողջանա: Երեխան ապաքինվեց: Երբ դարձավ 7 տարեկան, օրհնություն ստացավ Սբ. Սարգիս եկեղեցում, հետո նրան վարսավիրանոց տարան: