HY RU EN

ՊՆ բեռնատարի վթարի պատճառով 4 զինվոր է մահացել․ կան վիրավորներ

Գորիս-Քաշունիք ավտոճանապարհին Զինված ուժերին պատկանող «ԿամԱզ» մակնիշի ավտոմեքենան վթարվել է: Այս մասին «Հետք»-ին ասաց ՊՆ մամուլի խոսնակ Արծրուն Հովհաննիսյանը:

Վերջինիս խոսքով՝ վթարի հետևանքով 4 անձ մահացել է, կան վիրավորներ, որոնք տեղափոխվել են Գորիսի և Սիսիանի  հսպիտալ:

Ըստ նախնական տեղեկությունների՝ վիրավորների մեջ ծայրահեղ ծանր վիճակ  ունեցող անձինք չկան: Լրացուցիչ տեղեկություններ կհայտնվեն ավելի ուշ:

Խոսնակի ֆեյսբուքյան գրառումն ամբողջությամբ՝ ստորև․

16։30

Մեքենայում եղել են 21 զինծառայող, որից 19-ը թափքում: 21-ից 17 զինծառայողի կյանքին վտանգ չի սպառնում, 8-ը ստացել են տարբեր տեսակի մարմնական վնասվածքներ: Բուժզննումը շարունակվում է:

15։57
Այսօրվա ցավալի ավտովթարից զոհվել են չորս ժամկետային զինծառայողներ. 
1. Հայրապետ Վոլոդյայի Նաիրյան 1998թ. ծնված, 2017/1 զորակոչ, Էրեբունու ԶԿ
2. Հրանտ Արայի Գասպարյան 1998թ. ծնված, 2017/1 զորակոչ, Շահումյանի ԶԿ
3. Էդգար Արմենի Հունանյան 1998թ. ծնված, 2017/1 զորակոչ, Հրազդանի ԶԿ
4. Դավիթ Բենիամինի Մելքոնյան 1998թ. ծնված, 2017/1 զորակոչ, Թալինի ԶԿ
Շատ ցավալի լուր է: Կան նաև վիրավորներ, լրացուցիչ կհայտնենք:


Վիրավորները տեղափոխվում են Սիսիանի հոսպիտալ և Գորիսի ԲԿ: Նախնական տեղեկություններով մեկը ունի կոտրվածքներ, ծայրահեղ ծանր վիճակ չկա ոչ մեկի մոտ:
Նոր տեղեկություններ կհայտնենք: