Տեսանյութեր
Լուսանկարներ
Առինջ գյուղի 29/27 ընտրատեղամասում տարեց մարդը երկու անգամ նույն անձնագիրն է ներկայացրել. ոստիկանությունն ընտրատեղամասում է
Առինջ գյուղի 29/27 ընտրական տեղամասում տարեց ամուսինները եկել են ընտրության և հայտնվել ընտրատեղամասի այն սենյակում, որտեղ ոստիկանությունն է աշխատում:
Մեզ հետ զրույցում ընտրական տեղամասի հանձնաժողովի նախագահ Լևոն Սարգսյանը պատմեց, որ տարեց ամուսինը՝ Գրիշա Աբրահամյանը, կնոջ հետ եկել է քվեարկության, իր անձնագիրը ներկայացրել, մասնակցել քվեարկությանն, ապա ցանկացել հանձնաժողովի անդամներին ներկայացնել նաև կնոջ անձնագիրը, որպեսզի վերջինս ևս գրանցվի ու մասնակցի քվեարկությանը:
Ըստ հանձնաժողովի նախագահի՝ Գրիշա Աբրահամյանը կնոջ անձնագիրը ներկայացնելու փոխարեն սխալմամբ երկրորդ անգամ իր անձնագիրն է ներկայացրել, և սարքն ազդանշան է տվել:
Արդյունքում հանձնաժողովի նախագահը, սահմանված կարգի համաձայն, ոստիկանություն է հրավիրել, քանի որ անկախ հանգամանքներից՝ տեղի ունեցած դեպքը կրկնակի քվեարկության փորձ է համարվում:
Հետաքննիչներն այս պահին ընտրատեղամասում են, տարեց ամուսնուց ու կնոջից բացատրություններ են վերցնում:
Մեկնաբանել