HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Գրիշա Բալասանյան

Բողոքի ակցիա Էջմիածնում՝ ընդդեմ Մանվել Գրիգորյանի ազատ արձակման (թարմացվող)

14։45

Այս պահին անկառավարելի իրավիճակ է Երևան-Էջմիածին ավտոճանապարհին` Զվարթնոց թաղամասի շենքերի մոտ: Քաղաքացիները փակել են ավտոճանապարհը, և տարածքում մոտ 100 ավտոմեքենա է կուտակվել, այդ թվում` բեռնատարներ: Քաղաքացիներն ավտոմեքենաներից իջնում են և ոտքով շարունակում ճանապարհը:
 
Հնարավոր չէ մտնել Էջմիածին: Հիշեցնենք, որ երեկվանից էջմիածինցիները բողոքի ակցիաներ են իրականացնում՝ ընդդեմ Մանվել Գրիգորյանի խափանման միջոց կալանքը գրավով փոխարինելու որոշման:
 
Տարածքում հսկողություն են իրականացնում նաև ոստիկաններ, որոնք դիտորդի դերում են: Մի կին ուշանում էր ինքնաթիռի թռիչքից, ոստիկաններին խնդրում էր ճանապարհ տալ, սակայն նրան արձագանքող չեղավ: Տիկնոջ համար ճանապարհ բացեցին ակտիվիստ քաղաքացիները:
 
Շտապօգնության ավտոմեքենաները ևս դժվարությամբ են հաղթահարում արգելքը:

13։30
Այսօր վաղ առավոտից փակ են Էջմիածին մտնող ճանապարհները: Քաղաքի կենտրոնական ճանապարհները ևս փակվել են քաղաքացիների կողմից: Վերջիններս բողոքում են պաշտոնաթող գեներալ, ԱԺ պատգամավոր Մանվել Գրիգորյանի խափանման միջոց կալանքը գրավոր փոխարինելու որոշման դեմ: 

Մի խումբ քաղաքացիներ, փակելով ճանապարհները, պահանջում են, որ Մանվել Գրիգորյանը Էջմիածին չմտնի:
 
Նշենք, որ երեկ ուշ երեկոյան, երբ Մանվել Գրիգորյանի ազատման լուրը տարածվեց, էջմիածինցիները դարձյալ փակել էին ճանապարհները:
 
 
 

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter