Հինգշաբթի, 16 օգոստոսի

Ազատ Ղուկասյանն ազատազրկվել է 8 տարով. համաներման զորությունը



Սյունիքի մարզի Հարթաշեն համայնքի ղեկավար Ազատ Ղուկասյանը դատապարտվել է 8 տարվա ազատազրկման: Մեղադրող-դատախազ Հայկ Պետրոսյանը միջնորդել է նրան ազատազրկել ավելի քիչ ժամկետով՝ 7 տարով, իսկ անչափահաս տուժողի ներկայացուցիչը գյուղապետի համար մի քանի անգամ խիստ պատիժ է պահանջում՝ 25 տարվա ազատազրկում:

Ամեն ինչ սկսվեց անցյալ տարվա փետրվարին: «Գյուղապետը աշակերտուհուն բռնաբարել է, բայց շարունակում է մնալ ազատության մեջ» հրապարակմամբ «Հետքը» պատմեց, թե ինչպես է համայնքապետ Ազատ Ղուկասյանը, ով միաժամանակ գյուղի դպրոցում ֆիզկուլտուրա էր դասավանդում, 8-րդ դասարանցիների միացյալ դասին երկու դասարանի աշակերտներին տարել մարզադահլիճ եւ պատվիրել «խելոք խաղալ»: Իսկ 14-ամյա Կարինեին (անունը փոխված է) գյուղապետը հանձնարարել էր հետեւել իրեն:

Սակայն աշակերտներից մեկը «խելոք խաղալու» փոխարեն՝ դռան բանալու անցքից տեսնելով, թե գյուղապետ-ուսուցիչն ինչ է անում դասընկերուհու հետ, օգնության էր կանչել ուսուցիչներին: Մանկավարժներից մեկն ընդհանրապես հրաժարվել էր մոտենալ «դեպքի վայրին», իսկ նրանք, ովքեր մոտեցել եւ տեսել էին կատարվողը, վախեցել էին անգամ դուռը բացել, իսկ հետագայում՝ նաեւ տեսածի մասին բարձրաձայնել: Ի հեճուկս մանկավարժների՝ տուժողի դասընկերները հավաքվել էին դպրոցի բակում եւ վանկարկել «ար-դա-րու-թյուն»:

Հարուցվեց քրեական գործ, եւ 14-ամյա երեխային բռնաբարելու մեղադրանքով գյուղապետի գործը մտավ դատարան: Ու չնայած վերոնշյալ հրապարակմամբ «Հետքը» տեղեկացրել էր, որ Ազատ Ղուկասյանի անունը կապվում է նաեւ նմանատիպ այլ միջադեպերի հետ, նախաքննական մարմինը համայնքապետի որեւէ այլ զոհ համառորեն չգտավ:

Չգտավ նույնիսկ այն բանից հետո, երբ 21-ամյա Աննան դատարանում պատմեց, որ 9-րդ դասարանում, երբ ընդամենը 15 տարեկան էր, հարեւանների կողմից գողության մեջ մեղադրվելու պատճառով գյուղապետ Ղուկասյանն իրեն նստեցրել է ավտոմեքենան, որ տանի ոստիկանություն: Բայց ճանապարհին Ղուկասյանը կանգնեցրել է մեքենան և ոստիկանություն չտանելու պայմանով ստիպել սեռական հարաբերության մեջ մտնել իր հետ:

Աննան նույնիսկ պատմել էր, թե ինչպես է գյուղապետի պահանջով հանցավոր սեռահակումների արդյունքում ծնված երեխային սեփական ձեռքերով սպանել:

Նոր քրեական գործ հարուցվեց միայն այն ժամանակ, երբ «Հետքը» հոդված գրեց եւ իրավապահներին հիշեցրեց Աննայի գոյության ու դռնփակ դատական նիստում դատավոր Նապոլեոն Օհանյանի եւ դատախազ Հայկ Պետրոսյանի ներկայությամբ նրա տված ցուցմունքների մասին:

Այս գործի քննությունը հանձնարարվեց բռնաբարության բոլորովին այլ գործով հանրությանը հայտնի դարձած քննիչ Ռուբեն Վարդանյանին: Վերջինիս փորձառությունը, ըստ երեւույթին, իր գործն արեց:

Նորածնի սպանության կապակցությամբ գյուղապետին մեղադրանք չառաջադրվեց: Անչափահաս ժամանակ Աննային կատարվածն էլ քննիչը որակեց «շանտաժի միջոցով սեռական հարաբերության հարկադրելը» հոդվածով, ու քանի որ այն նախատեսում է մինչեւ 3 տարվա ազատազրկում, Ռուբեն Վարդանյանի որոշմամբ քրեական գործը համաներմամբ կարճվեց:

Մինչդեռ, ըստ փաստաբան Կարեն Մեժլումյանին, նախկին գյուղապետի վրա համաներում ընդհանրապես չէր տարածվում, քանի որ վերջինս մեղադրվում էր նաեւ անչափահաս Կարինեի բռնաբարության մեջ: Ավելին՝ փաստաբան Մեժլումյանը «Հետքում» տպագրված հոդվածով արդեն մերկացրել է իրավապահների երկակի մոտեցումը, երբ նույն հոդվածի կիրառությամբ Սերոբ Տեր-Պողոսյանը դատապարտվեց  15 տարվա ազատազրկման, իսկ Ազատ Ղուկասյանը համաներվեց:

Դատարանում անչափահաս Կարինեի ներկայացուցիչը հենց Կարեն Մեժլումյանն է, եւ հենց նա է պահանջում նախկին գյուղապետին 25 տարով ազատազրկել. «Որովհետեւ կոնկրետ Կարինեի բռնաբարության գործով հանցագործության 3 էպիզոդ կա. Ազատ Ղուկասյանը 1 անգամ գյուղապետարանում է անչափահասին բռնաբարել, 2 անգամ՝ դպրոցում: Այսինքն՝ գործ ունենք 3 բռնաբարության հետ, եւ դա պետք է դիտվեր ոչ թե 1, այլ 3 տարբեր հանցագործություն: Հետեւաբար, ամեն մի հանցագործության համար նախատեսվող պատժաչափը պետք է գումարվեր մյուսին»:

Փաստաբանը նաեւ նշում է, որ դատարանում ամբաստանյալն «իրեն շատ ամբարտավան է պահել», մեղքը չի ընդունել եւ չի զղջացել: Բացի դրանից, ի տարբերություն հանցանքը մեղմացնող հանգամանքների՝ ծանրացնող հանգամանքներ եղել են:

Սյունիքի մարզի առաջին ատյանի դատարանի՝ նախկին գյուղապետին 8 տարով ազատազրկելու դատավճիռը Մեժլումյանը պատրաստվում է բողոքարկել:


Գլխավոր էջ

Տպել    |  In English


Տես նաև՝

ավելին



Մեկնաբանություններ (9)
1. Ani15:50 - 7 մարտի, 2013
ET VOR HIMA ASUM ES ANNAN ASELA VOR IR EREXUN INQNA SPANEL,BA MI JAMANAK EL ASUM EIR AZATNA SPANEL ET EREXUN VONC DARAV TENC,,,,TESNUM ES VOR QO GORC@ KEXTOTA U SRA NRA HASCEIN ES XOSUM,ETE ARDAR ES ,CNAYAC SHAT KASKACUM EMBA XI TENC EXAV ,,,,ANNAI GORCI NMAN ET DZER GORCNELA PARZVELU U AZATI POXAREN DU U QO KEXTOT GOCIQNERN EN PATASXAN TALU
2. anjela15:58 - 7 մարտի, 2013
dra hamar mek tari petq ekav ,vor mejlumyan kochvac@ bolorin kasharq tvec u et mardu glxin sarqec,dra nmannernen vor anmexnerin datum en mexavornerin azatum ,isk inch verabervuma et dprocum tesacnerin nranq el en veraqnnichum patasxan talu tox spasen kareni het
3. anjela15:59 - 7 մարտի, 2013
xdrum em anpayman hastateq
4. martun20:11 - 7 մարտի, 2013
shat cicaxeli e,brnabarel 3 angam,et karine kachvac@ inchu er tuyl tvel 2-3-rd angam,haaaaaaaaaaa vaxecela ,nor harazatneren haytnvel gagik ,martun,karen ba vor sovac satkumeyin ureyik da der arac gorcna hastat,vstahem...........lav mtaceq,
5. huri21:14 - 7 մարտի, 2013
es banc parzvuma, Suleyman-brnabar@ pashtpanner el uni, 2 mankahasak axjikneri jakatagri het xaxac, mekin hancagorc u mankaspan sarqec u der et erexeqn en mexavor???!!! zhoxourd, duq gzhvel eq?? et anasunin 8 tarin qicha, dran krtela petq u 20 tari ptacnel u mek el huysov em, vor bantum iran nuyn@ kanen, vor zga, incha nshanakum hivand erexun ogtagorcel...
6. huri21:25 - 7 մարտի, 2013
hertakan angam zzvanqs em uzum artahaytel mer iravapahneri ashxatanqi veraberyal. HHK -i parq u parcanq gyuxapet@ 8 tari stacav 2 erexeqin xexelu hamar, ba da ardara?? kam vonca patahum, vor hayastanum zohna hajax mexadryali atorin nstum , inchpes annan... esor el nwes.am mi patmutyun er grel 20 amya zinvor txan Arkadi Harutyunyan anunov, mexadrel er ir zinakcin, havanabar "terov" mekin iren brnabarelu mej, hima iren en datum kexc cucmnunqner talu hamar. pastoren 20 tarekan txan karoxa"" shar "" anel, vor brnabarum en iren da mec pativa berum!!??? " hetqi"" jurnalistner, mi hat heteveq xndrum em es patmutyan@, mi toxeq, vor hertakan angam anmex zohin bant uxxarken et boreniner@!!! anun@
7. Nare21:51 - 7 մարտի, 2013
Es pastabanin mi ban kasem ete dzez aydqan shat e anhangstacnum ayd erexayi chakatagir@ apa inchu eq miayn Azatin kortanelu masin mtacum lav iravaban ec mankavarjnerin patasxanatvutyan entarki ovqer hrajarvum ein nax tesnel>apa barzradaynel dra masin dranc dprocic shprtela petq , parzvum e gorti miak npatak@ Azatin sharqic hanelna .
8. peri12:54 - 8 մարտի, 2013
huri(anna) es inc es anasun@ inqd es vor qez caxel es et annormalnerin,poxi hamar patras es amen inci,getin@ mti anasun ,hivand esi glux
9. huri22:06 - 12 մարտի, 2013
Peri, ay angraget, karcum em es suleyman brnabar@ kam amusnita, kam hayrt... menak es depqum karoxa hivand erexun bnrbabaroxin uxxvac viravoranqner@, vorn na iroq vastakela, espes canr tanel:) :) Azatn iroq anasuna, mi anasun el du es, vor pashtpanum es et jivaxin... bantum ira nmannerin shat en sirum, baris bolor imastnerov, enpes vor inqn el kzga en, inch et erexeqn en zgacel... inch poxi masina xosq@, ay histerik, yes artasahmanum em aprum u gorc chunem dzer gomaxbneri mej taxvac gyuxi het, menak sirts cavuma et erexeqi hamar, mexq en, vonc en irenc hetaga kyanq@ dasavorelu et anun@ vran...:(
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ