Շաբաթ, 22 սեպտեմբերի

Արարատի մարզում երկու համայնքապետ չի վերընտրվել



Երեկ Արարատի եւ Արմավիրի մարզերի մի շարք համայնքներում համայնքապետի ընտրություններ էին: Արմավիրի մարզի Մեծամոր գյուղում ձայների մեծամասնությամբ համայնքապետ է վերընտրվել գործող համայնքապետ Էդվարդ Միրզոյանը՝ հավաքելով 314 ձայն: Նրա միակ մրցակիցը՝ Քրիստինե Պետրոսյանը, ստացել է ընդամենը 6 ձայն: Ընտրական իրավունք ունեցող 927 քաղաքացուց ընտրությանը մասնակցել է 323-ը: Անվավեր է համարվել 3 քվեաթերթիկ:

Արարատի մարզի Զորակ գյուղում վերընտրվել է գործող համայնքապետ, ՀՀԿ անդամ Մանուկ Մալոյանը: Նա ստացել է 531 ձայն, իսկ մրցակից, ԲՀԿ անդամ Էդուարդ Հարությունյանը՝ 262: Արդեն տեղեկացրել էինք, որ Զորակում ՀՀԿ-ականները ընտրատեղամասում իրենց բավականին ազատ էին զգում եւ անում էին այն, ինչ ցանկանում էին:

Իր պաշտոնում վերընտրվել է նաեւ Սայաթ Նովա համայնքի ԲՀԿ-ական ղեկավար Ռազմիկ Ալավերդյանը: Նրա մրցակիցը՝ Արսեն Ղարսայանը, ով ժողովրդին սիրաշահելու համար գյուղում «բեսետկա» էր տեղադրել, ստացել է 481 քվե: Այս գյուղում 1737 ընտրողից ընտրությանը մասնակցել է 1192-ը:

Տեղեկացրել էինք, որ Նիզամիում 40 քվեի առավելությամբ գործող համայնքապետին հաղթել  է անկուսակցական Հարութին Կարապետյանը:

Սիսի համայնքապետը՝ Արմեն Եղյանը, 414 ձայնով վերընտրվել է: Մրցակիցը՝ Պարույր Մնացականյանը, եւս ՀՀԿ-ից էր, նա ստացել է 288 ձայն:

Եղեգնավանում ընտրության օրը միակ թեկնածուն եղել է գործող համայնքապետ Հովսեփ Ղազարյանը: 1060 ընտրողներից ընտրությանը մասնակցել է 711 մարդ: Թեկնածուն ստացել է 690 քվե, իսկ 11 հոգի դեմ է քվեարկել: 10 քվեաթերթիկ համարվել է անվավեր:

Դարբնիկում ՀՀԿ-ական Դավիթ Գզիրյանը հաղթել է կուսակից, գործող համայնքապետ Ազատ Խաչատրյանին: Գզիրյանը ստացել է 367 ձայն, իսկ Խաչատրյանը՝ 348: Նշենք, որ գործող համայնքապետին առաջադրել էր ՀՀԿ-ն:

Խաչփարում միակ թեկնածուն գործող համայնքապետն էր՝ Ղազար Մարտիրոսյանը: Այս գյուղում 1553 ընտրողից ընտրությանը մասնակցել է 919 մարդ, որից 681-ը կողմ է քվեարկել թեկնածուին, 3-ը՝ դեմ, իսկ 13 քվեաթերթիկ ճանաչվել է անվավեր:

Նույն պատկերը Նորամարգ գյուղում է: Գործող համայնքապետ, ՀՀԿ-ական Սարգիս Գալստյանը 785 ձայնով վերընտրվել է: Նրան դեմ է քվեարկել 4 նորամարգցի:


Գլխավոր էջ



Այս թեմայով

... կարդացեք ավելին «Համայնքային ընտրություններ» թեմայով
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ