Շաբաթ, 22 սեպտեմբերի

14 մեղադրական դատավճիռ. 6 տարվա ազատազրկում Շանթ Հարությունյանին



Դատավոր Մնացական Մարտիրոսյանը քիչ առաջ կայացրեց 14 մեղադրական դատավճիռ, 12 քաղաքացի պատիժ կկրի ազատազրկման վայրերում: «Նոյեմբերի 5-ի» գործով խուլիգանության հոդվածներով մեղադրվող երկու քաղաքացիներ՝ Միսակ Առաքելյանը պետական գանձարան պիտի մուծի 50.000 դրամ, իսկ Շանթ Հարությունյանի որդին՝ Շահենը դատապարտվեց 4 տարվա պայմանական ազատազրկման:   

Այս գործով առավելագույն՝ 7 տարվա պատժաչափ ստացավ երկու անչափահաս երեխաների հայր, Արցախյան պատերազմի մասնակից Վահե Մկրտչյանը: Նրան դատարանը մեղավոր ճանաչեց երկու հոդվածներով՝ խուլիգանության և իշխանության ներկայացուցչի նկատմամբ բռնություն գործադրելու:

Շանթ Հարությունյանն ու  Ալբերտ Մարգարյանը  դատապարտվեցին 6-ական տարվա ազատազրկման:

Վարդան Վարդանյանը, Լիպարիտ Պետրոսյանը, Ավետիս Ավետիսյանը դատապարտվեցին 5-ական տարվա ազատազրկման՝ մեղավոր ճանաչվելով խուլիգանության մեջ:

Հայկ Հարությունյանը` 4 տարի 6 ամիս ազատազրկման: Նա մեղավոր է ճանաչվել երկու հոդվածով. խուլիգանություն և զգալի չափով հոգեմետ նյութ ապօրինի պահելը` առանց իրացնելու նպատակի:

Ալեք Պողոսյանն ու Մկրտիչ Հովհաննիսյանը դատապարտվեցին 4-ական տարվա ազատազրկման:

Արմեն Հովհաննիսյանը դատապարտվեց 2 տարվա ազատազրկման՝ մեղավոր ճանաչվելով խուլիգանության մեջ:

Տիգրան Պետրոսյանն ու Սևակ Մնացականյանը դատապարտվեցին 1 տարի 6 ամիս ժամկետով:

Հ.Գ. Այս պահին Կենտրոն և Նորք Մարաշ վարչական շրջանների ընդհանուր իրավասության դատարանի դիմաց քաղաքացիները բողոքի ակցիա են անցկացնում:


Գլխավոր էջ


Տես նաև՝

ավելին



Մեկնաբանություններ (2)
1. Վարազ Սյունի (Ամստերդամ)21:14 - 17 հոկտեմբերի, 2014
Լիսկային պաշտոնի վերանշանակած իշխանությունների կողմից ուղղորդված «անկախ» դատարանի թատրոնը:
2. դրախտի բնակիչ04:05 - 19 հոկտեմբերի, 2014
դե լավ է, լավ է, կեցցե մեր արդար, անկախ դատարանը... որ երկիրը դարձրել է լիսկաների դրախտ
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ