Խորհրդարանն այսօր` մարտի 27-ին, քվեարկության ներկայացրեց երեկ քննարկված մի շարք նախագծեր։ Կառավարության ներկայացրած «Բաժնետիրական ընկերությունների մասին» օրենքում փոփոխություններ կատարելու հարցն ընդունվեց 112 կողմ, 0 դեմ, 1 ձեռնպահ ձայների հարաբերակցությամբ։

«Կենսաթոշակների մասին» օրենքում փոփոխություն կատարելու հարցն առաջին ընթերցմամբ ընդունվեց 114  կողմ ձայնով։

«Իմ քայլը» խմբակցության պատգամավոր Հովհաննես Հովհաննիսյանի հեղինակած «Գովազդի մասին» և «Վարչական իրավախախտումների մասին» օրենքի նախագիծն ընդունվեց 115 կողմ, 1 դեմ և  2 ձեռնպահ ձայներով։ Այս նախագծերը երկրորդ ընթերցմամբ քննարկման կներկայացվեն վաղը։