![](/static/articles/10/24/73/l-pXzsfpunsi.jpg)
Փաստաբան Վահագն Դանիելյանը ձերբակալվել է
Կաշառք ստանալու մեջ մեղադրվող դատավոր Գագիկ Հեբոյանի գործի շրջանակներում կաշառքի օժանդակության մեջ կասկածվող փաստաբանն այսօր ձերբակալվել է: Հատուկ քննչական ծառայության մամուլի քարտուղար Մարինա Օհանջանյանը հաստատեց փաստաբանի ձերբակալման մասին լուրը, սակայն վերջինիս անունը չհայտնեց:
Ինչպես արդեն նշել ենք, դատավորի գործով անցնող փաստաբանը Վահագն Դանիելյանն է:
Հիշեցնենք, որ Գագիկ Հեբոյանը ձերբակալվել է մարտի 27-ին, ապա կալանավորվել։ Նրան մեղադրանք է առաջադրվել Քրեական օրենսգրքի 311-րդ հոդվածի 4-րդ մասի 2-րդ և 3-րդ կետերով՝ դատավորի կողմից առանձնապես խոշոր չափով կաշառք ստանալու հատկանիշներով:
Նրան վերագրվող կաշառքի չափը 2500 ԱՄՆ դոլար է: Ըստ ԱԱԾ-ի տարածած հաղորդագրության՝ կաշառքի գումարը կաշառք տվողի կողմից հանցակից փաստաբանի միջոցով փոխանցվել է դատավորին, որից անմիջապես հետո այն հայտնաբերվել է վերջինիս մոտ:
Մեկնաբանել