HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Լիանա Սայադյան

Ֆրանսիայի նախագահը ստորագրել է ապրիլի 24-ը Հայոց ցեղասպանության հիշատակման օր հաստատելու հրամանը

Ֆրանսիայի նախագահ Էմանուել Մակրոնը ստորագրել է ապրիլի 24-ը Հայոց ցեղասպանության հիշատակման օր հաստատելու հրամանը: Համաձայն այդ հրամանի` ամեն տարի ապրիլի 24-ին հիշատակի արարողություն կկազմակերպվի Փարիզում:  Նմանատիպ միջոցառումներ կարող են կազմակերպել նաեւ մյուս դեպարտամենտներում` պրեֆեկտների նախաձեռնությամբ:

Ֆրանսիայի Հանրապետության վարչապետը պատասխանատու է այդ հրամանի կատարման համար: Փաստաթուղթը «Ֆեյսբուք» սոցիալական ցանցի իր էջում հրապարակել է Հայաստանում Ֆրանսիայի դեսպան Ջոնաթան Լաքոտը:

Հիշեցնենք, որ ապրիլի 24-ը «Հայոց ցեղասպանության հիշատակի ազգային օր» հայտարարելու իր որոշման մասին Էմանուլ Մակրոնը հայտարարել էր 2018թ. փետրվարի 6-ին`  Ֆրանսիայի հայկական կազմակերպությունների կոորդինացիոն խորհրդի (CCAF) տարեկան ընթրիքին ունեցած իր ելույթում: 

Լուսանկարը` Լյուդովիկ Մարինի, «Ֆրանսպրես» գործակալություն

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։