Հանրապետության նախագահ Արմեն Սարգսյանի հրամանագրով՝ Արտակ Զեյնալյանն ազատվել է արդարադատության նախարարի պաշտոնից։ 

«Հիմք ընդունելով վարչապետի առաջարկությունը՝ համաձայն Սահմանադրության 131-րդ հոդվածի, ինչպես նաև «Կառավարության կառուցվածքի և գործունեության մասին» օրենքի 5-րդ հոդվածի 1-ին մասի. 
Արտակ ԶԵՅՆԱԼՅԱՆԻՆ ազատել արդարադատության նախարարի պաշտոնից»,- ասվում է նախագահի հրամանագրում։

Հիշեցնենք, որ Արտակ Զեյնալյանը հրաժարականի դիմում էր ներկայացրել հունիսի 7-ին՝ պատճառաբանելով, որ այդ որոշումը կայացրել է տեղեկատվական հոսքերն ուսումնասիրելուց հետո։