HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Ղրղզստանի նախկին նախագահ Ալմազբեկ Ատամբաևը ձերբակալվեց

Ղրղզստանի Ազգային անվտանգության պետական կոմիտեի հատուկ նշանակության ջոկատներին վերջապես հաջողվեց ձերբակալել երկրի նախկին նախագահ Ալմազբեկ Ատամբաևին: Այս մասին հայտնել է նախկին նախագահի շտաբի ներկայացուցիչը, ինչպես նաև Ատամբաևի Սոցիալ-դեմոկրատական կուսակցության անդամ Կունդուզ Աժիբեկովան:

Աժիբեկովայի խոսքերով՝ բացի Ատամբաևից ձերբակալել են նաև նրա երկու աջակիցների, որոնց թվում է նախագահի աշխատակազմի նախկին ղեկավար Ֆարիդ Նիյազովը: Ըստ Աժիբեկովայի՝ նրանց տարել ներքին գործերի նախարարություն, սակայն նախկին նախագահի փաստաբան Սերգեյ Սլեսարևն էլ ասել է, որ չգիտի, թե ուր են տարել իր պաշտպանյալին: Kloop-ն էլ հաղորդում է, որ Ատամբաևի կողմնակիցները շարժվում են դեպի ներքին գործերի նախարարություն:

AKIpress-ը տեսանյութ է հրապարակել՝ նշելով, որ ուժայինները ավտոմեքենայով Ատամբաևին տեղափոխում են Բիշքեկ:

Հիշեցնենք, որ երեկվանից Ղրղզստանում լարված մթնոլորտ է: Այս երկու օրվա ընթացքում հատուկ նշանակության ջոկատները ձերբակալման նպատակով մի քանի գրոհ են կազմակերպել Ալմազբեկ Ատամբաևի առանձտնատան վրա, սակայն հանդիպել են նախկին նախագահի կողմնակիցների դիմադրությանը: Ուժայինների և քաղաքացիների միջև բախումների հետևանքով մի քանի տասնյակ մարդ վիրավորվել է, իսկ մեկ հատուկջոկատային՝ զոհվել:

Ալմազբեկ Ատամբաևը Ղրղզստանի նախագահի պաշտոնը զբաղեցրել է 2011-2017 թվականներին: 2019թ. հունիսի 27-ին Ղրղզստանի խորհրդարանը նրան զրկել է նախագահական անձեռնմխելիությունից: Նախկին նախագահը մեղադրվում է մի շարք կոռուպցիոն գործարքներում ներգրավված լինելու մեջ:

Լուսանկարը՝ © Михаил Метцель/ТАСС

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։