HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արաքս Մամուլյան

Դատարանը մերժեց «Ջերմուկցիներն ընդդեմ Էրիկ Գրիգորյանի» գործի վարույթը կասեցնելու վերաբերյալ «Լիդիան Արմենիայի» միջնորդությունը

«Ջերմուկցիներն ընդդեմ Շրջակա միջավայրի նախարար Էրիկ Գրիգորյանի գործը պատրաստ է դատաքննության: Վարչական դատարանում, նախագահությամբ դատավոր Արծրուն Միրզոյանի, այսօր տեղի ունեցավ հայցի քննության վերաբերյալ նախնական դատական նիստ, որից հետո դատավորը գործը դատաքննություն նշանակելու որոշում կայացրեց:

Մինչ դատաքննություն անցնելը գործում որպես երրորդ կողմ ներգրավված «Լիդիան Արմենիա» ընկերության ներկայացուցիչ Սայադ Բադալյանը դատարանին միջնորդեց գործի վարույթը կասեցնել մինչև «Ամուլսարի» քրեական գործով որոշում կայացնելը:

Ըստ Սայադ Բադալյանի՝ վարչական դատարան ներկայացված հայցի հիմքերի մի մասը հիմնված է «Ամուլսարի գործի» շրջանակներում ստացված փորձագիտական եզրակացության վրա, որը դեռևս պետք է գնահատական ստանա նշված քրեական գործի շրջանակներում՝ քրեական գործով ձեռք բերված մյուս ապացույցների համադրության արդյունքում: Ըստ Բադայանի՝ հայցը քննող վարչական դատարանը չի տիրապետում քրեական գործի ամբողջ նյութերին, և նման պայմաններում վարչական գործի վարույթը ենթակա է կասեցման:

Միջնորդության դեմ հայցվորների ներկայացուցիչ Նազելի Վարդանյանն առարկեց. վերջինս նշեց, որ նախկինում նույնաբովանդակ միջնորդություն արդեն իսկ ներկայացված է եղել, որը դատարանը մերժել է: Նշենք, որ 2019-ի փետրվարին տեղի ունեցած դատական նիստի ընթացում գործի վարույթը կասեցնելու միջնորդություն ներկայացվել է Բնապահպանության նախարարության ներկայացուցչի կողմից:

Այս անգամ ևս դատարանը մերժեց միջնորդությունը:

Նախորդ դատական նիստի ավարտին հայցվոր կողմը միջնորդություն էր ներկայացրել դատարան՝ խնդրելով արգելել «Լիդիան Արմենիային» որևէ գործողություն իրականացնել Ամուլսարում: Այս միջնորդությունը ևս մերժել է:

Գործով դատական նիստը նշանակվեց հոկտեմբերի 24-ին:

 

Լուսանկարում՝ դատավոր Արծրուն Միրզոյանը

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter