HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Տրդատ Մուշեղյան

Լենա Նազարյան. «Կանայք պետք է զբաղեցնեն որոշումներ կայացնող պաշտոններ, քանի որ նրանք կազմում են բնակչության կեսը»

Ազգային ժողովում այսօր հրավիրվել են խորհրդարանական լսումներ՝ «Կուսակցությունների մասին սահմանադրական օրենք, առկա խնդիրները եւ փոփոխությունների շրջանակը» թեմայով: Խորհրդարանի փոխնախագահ Լենա Նազարյանն ասաց, որ իր սեփական փորձով գիտի, թե ինչպես պետք է աշխատի «Կուսակցությունների մասին» օրենքը, որպեսզի օգնի կուսակցություններին ամրացնել ներքին ժողովրդավարությունը, որպեսզի կուսակցությունները լինեն ներառական և կայանան որպես քաղաքական ինստիտուտներ, լինեն կայուն, հետևողական և հաշվետու:

«Իհարկե, շատ բան կախված է կուսակցությունների դավանած արժեքներից, դրանց ամրությունից, հիմնադիրների սկիզբ դրած ավանդույթներից, ղեկավար կազմի որոշումներից, կուսակցության անդամների ակտիվությունից և պահանջատիրությունից, կանոնադրությունից, սակայն կուսակցություններին տրված բավականին մեծ ինքնավարությամբ հանդերձ, որը պահպանվելու է և պետք է պահպանվի, կարծում եմ՝ օրենքով պետք է ամրագրենք որոշակի սկզբունքներ, որոնք պարտադիր կլինեն բոլոր կուսակցությունների համար»,- ասաց ԱԺ փոխխոսնակը:

Լենա Նազարյանի խոսքով՝ որոշակի կանոնների համընդհանուր պահանջը կարևոր է, քանի որ մեր օրենքներով սահմանված ընտրակարգով կուսակցությունները միակ մեխանիզմն են, որով քաղաքական ուժերը մասնակցում են ընտրությունների, կազմակերպում տեղական ինքնակառավարում, ձևավորում խորհրդարան և կառավարություն, հետևաբար, ըստ Լենա Նազարյանի` շատ կարևոր է, թե ինչ սկզբունքներով է կառավարվում կուսակցությունը:

«Կներեք, բայց ես չեմ հավատում, որ այն կուսակցությունը, որը չունի ներքին ժողովրդավարության կանոններ և փորձ, ստանձնելով երկրի կառավարումը՝ կարող է երկիրը առաջնորդել ժողովրդավարության ճանապարհով, որովհետև այդ կուսակցությունը իր ներսում պատկերացում չունի, թե ինչ է ժողովրդավարությունը, և ինչի համար է այն պետք: Ես չեմ հավատում, որ ներքին ընտրությունների միջոցով ղեկավար կազմի ձևավորումը մերժող կուսակցությունները երկիրը կառավարելիս կապահովեն պայմաններ ազատ և արդար ընտրությունների համար: Ես չեմ հավատում, որ այն կուսակցությունները որոնք չեն դրսևորում կանանց և տղամարդկանց հանդեպ հավասար անխտրական խոսք և վարքագիծ, ստանձնելով երկրի կառավարումը՝ կարող են գրեթե հավասարաչափ կանացից և տղամարդկանցից բաղկացած քաղաքացիների համար իրապես ապահովել հավասար իրավունքները»,- նշեց Լենա Նազարյանը:

ԱԺ փոխնախագահի կարծիքով՝ նմանատիպ հարցերը չպետք է լինեն առանձին ղեկավարների քմահաճույքի դաշտում, որովհետսև ըստ նրա ձևակերպման՝ կոռումպացված, խտրական ոչ ժողովրդավար կուսակցությունները չպետք է շանս ունենան քաղաքական գործընթացներ զարգացնել Հայաստանում կամ քաղաքական գործընթացների իմիտացիա անել:

Լենա Նազարյանն առաջարկում է, որ կուսակցությունների ղեկավար կազմերի ձևավորման ժամանակ գործի սեռերի ներկայացվածության ապահովման սկզբունքը, որը կարող է լինել երկու տարբերակով՝ կամ օրենքով պարտադրել, որ ղեկավար կազմում լինի սեռերի ներկայացվածություն, կամ օրենքով պարտադրել, որ սեռերի ներկայացվածության սկզբունքը ամրագրվի կուսակցությունների կանոնադրության մեջ:

«Կանայք պետք է զբաղեցնեն որոշումներ կայացնող պաշտոններ, քանի որ նրանք կազմում են բնակչության կեսը, և այսպես է արդար, հակառակը անարդար է: Որպեսզի կանանց բարձրաձայնած հարցերը լուծում ստանան, արդյունք լինի, կանանց ներկայացվածությունը պետք է հասնի կրիտիկական մակարդակի: Եթե այդպես չէ, ապա ձևական է»,- պնդեց Լենա Նազարյանը:

Խորհրդարանի փոխնախագահը հաջորդիվ առաջարկեց օրենքում ամրագրել, որ կուսակցությունների ղեկավար կազմի ընտրություններն անցկացվեն ժողովրդավարական սկզբունքներով, այսինքն՝ ներքին ընտրությունով փակ քվեարկությամբ, որպեսզի բացառեն կուսակցությունների ղեկավարների կամայական որոշումները: 

Մեկնաբանություններ (1)

Tamara B.
I totally agree with Lena Nazaryan that political parties should themselves follow the principles they are often talking about publicly. It is not always that an Armenian politician would say something that has a real value in the local public space, but this particular speech is indeed very insightful. Right, how can an institution promoting the strict vertical of power and male domination in its internal structure practice the art of democracy and gender equality on a country scale? Also, I liked the fact that Nazaryan brought some examples on how gender representation inside Armenian parties can be enforced by law. She definitely made her speech stronger by looking at the issue's practical side. Regarding Nazaryan's worries about the state of female representation in decision-making positions, I think now she may be more optimistic on the matter. Right now, we have several women in Armenia holding the deputy minister positions (very loaded in terms of work tasks and responsibility!). We have some women in the parliament, too. Maybe their number will increase in 3-4 years, after next parliamentary election cycle.

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։