HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Վահե Սարուխանյան

2019-ին «Զվարթնոց» օդանավակայանի արտադրական ցուցանիշներն աճել են

Հայաստանի գլխավոր օդային դարպասների՝ «Զվարթնոց» միջազգային օդանավակայանի հիմնական արտադրական ցուցանիշներն այս տարի աճել են: Ամենակարեւոր նորությունը, թերեւս, այն է, որ 2019 թ. «Զվարթնոցը» կարողացել է անցնել 3 մլն ուղեւորահոսքի շեմը:

Եթե 2018-ին այս օդանավակայանից օգտվել է 2.690.727 մարդ, ապա անցյալ տարի այդ թիվը կազմել է 3.021.608:

Zvartnots: Passengers (2013-2019)
Infogram

Ինչպես կարելի է տեսնել ստորեւ, «Զվարթնոցում» ամենաթեժ ամիսը օգոստոսն է, որը զբոսաշրջային սեզոնի պիկն է, իսկ ամենաքիչ ուղեւորահոսքը գրանցվում է փետրվարին: Հաշվի առնելով, որ այս տարվանից Երեւանի միջազգային օդանավակայանից սկսելու են թռիչքներ իրականացնել եվրոպական բյուջետային 2 խոշոր ավիաընկերություններ՝ «Ryanair»-ը եւ «Wizz Air»-ը, կարելի է ակնկալել, որ 2020-ին ուղեւորահոսքն է՛լ ավելի մեծ կլինի, քան գրանցվել է նախորդ տարի:

Passengers: Zvartnots (2014-2019)
Infogram

2018-ի համեմատ անցյալ տարի աճել է նաեւ բեռնափոխադրումը (ներառված են առաքված եւ ընդունված բեռի ու փոստի միասնական տվյալները), սակայն կրկին չի հաջողվել հասնել 2017-ի ցուցանիշին, որը լավագույնն է վերջին տարիներին:

Zvartnots: Cargo (t) (2013-2019)
Infogram

Առիթ ունեցել ենք ասել, որ բեռնափոխադրման ոլորտը որեւէ օրինաչափության չի ենթարկվում, եւ ամեն տարի դրա կորը տարբեր տեսք է ունենում:

Cargo (t): Zvartnots (2014-2019)
Infogram

Ինչ վերաբերում է թռիչք-վայրէջքներին, դրանք եւս աճել են: «Զվարթնոց» եւ «Շիրակ» օդանավակայանների կոնցեսիոներ ««Արմենիա» միջազգային օդանավակայաններ» ՓԲԸ-ն «Հետքին» տրամադրել է ոչ միայն ուղեւորահոսքի, այլեւ բեռնափոխադրման ու թռիչք-վայրէջքների քանակական տվյալներն ամսական կտրվածքով: Նշենք, որ եթե կոնցեսիոները վիճակագրությունը վարում է թռիչքների ու վայրէջքների գումարային հաշվարկով, ապա ՀՀ քաղավիացիայի կոմիտեն մեկ թռիչքն ու մեկ վայրէջքը հաշվում է մեկ հատ՝ որպես մեկ թռիչք-վայրէջք:

Ըստ «ԱՄՕ»-ի՝ 2019-ին «Զվարթնոց» օդանավակայանում գրանցվել է 13.260 թռիչք եւ 13.264 վայրէջք, ընդհանուր՝ 26.524 հատ: Ամենապասիվ ամիսը եղել է փետրվարը (ընդհանուր 1494 թռիչք եւ վայրէջք), իսկ օգոստոսին գրանցվել է 3126 հատ թռիչք եւ վայրէջք:   

Հաջորդիվ կներկայացնենք Գյումրու «Շիրակ» օդանավակայանի տարեկան ցուցանիշները:

Տես նաեւ՝

Լուսանկարը՝ zvartnots.aero-ի

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։