Քննչական կոմիտեի նախագահ Հայկ Գրիգորյանի հանձնարարությամբ՝ կոմիտեի նախագահի տեղակալ, զինվորական քննչական գլխավոր վարչության պետ Արտակ Կրկյաշարյանը փետրվարի 18-ին ընդունել է այս տարվա փետրվարի 12-ին մահացած ժամկետային զինծառայող Տիգրան Մխոյանի հարազատներին: Այս մասին հայտնում է քննչական կոմիտեի լրատվական ծառայությունը:

Հանդիպման ընթացքում քննարկվել են դեպքի առթիվ հարուցված քրեական գործով իրականացվող քննչական և դատավարական գործողությունները:

«Ա.Կրկյաշարյանը վերջիններիս վստահեցրել է, որ նախաքննական մարմնի կողմից մանրամասն քննության առարկա են դարձվելու քրեական գործով էական նշանակություն ունեցող և տուժողի իրավահաջորդներին մտահոգության տեղիք տված բոլոր հանգամանքները»,- ասվում է տարածված հաղորդագրությունում։

Ավելի վաղ զինվորական քննչական գլխավոր վարչության պետն ընդունել էր նաև փետրվարի 12-ին մահացած ժամկետային զինծառայող Տիգրան Մանվելյանի հարզատներին: