Տարածքային կառավարման և ենթակառուցվածքների նախարարության Միգրացիոն ծառայությունը վերջերս աշխատանքներ է տանում ՀՀ որոշ քաղաքացիների Վրաստան մուտքի արգելքները բացելու ուղղությամբ։

Այս մասին «Հետքին» հայտնեց Միգրացիոն ծառայության հանրային կապերի պատասխանու Նելլի Դավթյանը։

Միգրացիոն ծառայությունից հետաքրքրվել էինք, թե ինչու է արգելված «Մոդուս վիվենդի» կազմակերպության հիմնադիր Արա Պապյանի մուտքը Վրաստան, և արդյոք ունեն ցուցակ, որի շրջանակներում աշխատանքներ են տարվում։ Ծառայությունից, սակայն, պաշտոնական տեղեկություն չտրամադրեցին՝ հիմնավորելով, դրանք անձնական տվյալներ պարունակող տեղեկություններ են։

«Մենք չենք հաստատում կամ ժխտում կոնկրետ անձի հետ կապված մուտքի արգելքը՝ որակելով դա անձնական տվյալ»,- ասաց Միգրացիոն ծառայության հանրային կապերի պատասխանու Նելլի Դավթյանը։

Կարդացեք նաև՝ 

• Վրաստանի համար «անցանկալի անձինք» ավելանում են. Կարեն Գիլոյանին թույլ չեն տվել մուտք գործել Ջավախք