Այսօր ժամը 21:30-ին նախատեսված Իտալիայից Հայաստան մեկնող չվերթն ուշանում է։ Ինչպես «Հետքին» հայտնեց Իտալիայից ժամանող Քրիստինե Նիկողոսյանը՝ թռիչքը նախատեսվածից մեկուկես ժամ արդեն ուշացել է, դեռ շատ քաղաքացիներ կան, ովքեր սպասում են ինքնաթիռ նստելուն։ Թե որ ժամին հստակ կիրականացվի թռիչքը, ուղևորներին հայտնի չէ։

Հայաստան ժամանողներին նախապես ստուգում են, սակայն դեռևս պարզ չէ՝ ժամանողների թվում կորոնավիրուսով վարակվածներ կա՞ն, թե ոչ։

Հիշեցնենք, որ չվերթն իրականացնում է հայկական Atlantis European Airways ավիաընկերությունը: Ֆինանսական ծախսերը հոգալու են Հայաստանի կառավարությունը, Atlantis European Airways ավիաընկերությունն ու «Արմենիա միջազգային օդանավակայաններ» ընկերությունը։