«Varks.sm»–ը 30 հազար հաճախորդի վարկի մարում է հետաձգել․ պարզաբանում
«Վարկս Էյ Էմ» ՈՒՎԿ ՓԲԸ-ից վստահեցնում են, որ 30.000 հաճախորդ արդեն անհատական (SMS) հաղորդագրության միջոցով ծանուցվել է վարկի հետաձգման ժամկետի մասին՝ առանց նախապայմանների և լրացուցիչ դիմումներ գրելու անհրաժեշտության։
«Հետք»-ը երեկ գրել էր, որ Քաղաքացիները հրաժարվում են «Varks.am»–ում ունեցած վարկերը վճարելուց։ Նյութում վարկային կազմակերպության հայտարարությունը տեղադրելուց բացի դիմել էինք ՈւՎԿ-ին և պարզաբանում խնդրել։
Կազմակերպությունցի այսօր պարզաբանում են տրամադրել, որում ասված է․
«18․03․2020-ին «Վարկս Էյ Էմ» ՈՒՎԿ ՓԲԸ-ն հայտարարություն է տարածել, որի համաձայն որոշել է ս.թ. մարտի 19-ից մինչև ապրիլի 15-ը անհատական մոտեցում ցուցաբերել բոլոր այն հաճախորդներին, ովքեր պարտաճանաչ կատարել են կազմակերպության հանդեպ ունեցած պայմանագրային պարտավորությունները, և ում համար ներկայումս դժվարացել է վարկային պարտավորությունների կատարումը։
Որպես որոշման իրականացում՝ այսօր մոտ 30.000 հաճախորդ արդեն անհատական (SMS) հաղորդագրության միջոցով ծանուցվել է վարկի հետաձգման ժամկետի մասին՝ առանց նախապայմանների և լրացուցիչ դիմումներ գրելու անհրաժեշտության։
Նշենք, որ այս մոտեցումը չի ենթադրում հետագայում հաճախորդի համար վարկային բեռի ավելացում։
Միևնույն ժամանակ հորդորում ենք եկամուտ ունեցող վարկառուներին կատարել վարկերի մարումները՝ խուսափելով կուտակված վարկային պարտավորությունների հետագա բեռից»։
Մեկնաբանություններ (8)
Մեկնաբանել