Խորհրդարանն այսօր առաջին ընթերցմամբ ընդունեց կառավարության ներկայացրած «Պետական տուրքի մասին» օրենքում փոփոխություն կատարելու նախագիծը, որով առաջարկվում է երկարաձգել ներկրվող ցեմենտի համար պետական տուրքի գործողության ժամկետը:

Նախագիծն ընդունվեց 88 կողմ, 16 դեմ, 1 ձեռնպահ ձայների հարաբերակցությամբ:

Հիշեցնենք, որ նախորդ տարի ընդունած իրավակարգավորումների համաձայն` ներկրվող ցեմենտի 1 տոննայի համար սահմանվել է 14 հազար դրամ պետական տուրք: Այս փոփոխությամբ առաջարկվում է պետական տուրքի գործողության ժամկետը ապրիլից 1-ից երկարաձգել մինչ դեկտեմբերի 31-ը:

Նախագիծը պետք է քննարկվի նաև երկրորդ ընթերցմամբ: