HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

Բաբկեն Թունյան. «Այսօր առանց գիտակցելու տոտալ վերահսկողության վարքագծի տակ ենք մեր վարքագծի պատճառով»

Խորհրդարանում արտահերթ նիստով շարունակվում է քննարկվել Կառավարության ներկայացրած «Արտակարգ դրության իրավական ռեժիմի մասին» և «Էլեկտրոնային հաղորդակցության մասին» օրենքների փաթեթում փոփոխությունների առաջարկը: Գործադիրը ցանկանում է կորոնավիրուսի տարածումը կանխարգելելու նպատակով հեռախոսազանգերի միջոցով քաղաքացիների տեղորոշումը, զանգերի քանակն ու տևողությունը վերահսկել: ԱԺ տնտեսական հարցերի մշտական հանձնաժողովի նախագահ Բաբկեն Թունյանն իր ելույթում ընդգծեց` հարցը զգայուն է, ուստի դժվար է միանշանակ դիրքորոշում արտահայտել:

«Ինչու լոկացիայից բացի նաև զանգերի ժամանակն ենք ֆիքսում, արդարադատության նախարարը «բիգ դատայի» (հսկայածավալ տվյալներ, հեղ.) մասին խոսեց, ասաց, որ ինֆորամացիան հավաքվում է բոլոր հնարավոր տեղերից. անգամ մանրուք թվացող տվյալներն են հավաքագրվում, հետո որոշակի ալգորիթմների միջոցով մարդու հնարավոր վարքագծի մասին տեղեկություններ են գեներացվում: Այդ առումով կարող է անգամ աննշան թվացող հաղորդագրության փաստը թույլ տա ենթադրությունները հիմնավորել»,- ասաց պատգամավորը:

Թունյանի խոսքով` նույնն է նաև սոցիալական ցանցերի պարագայում, երբ անգիտակցաբար կարող ենք մեր մասին հնարավորինս շատ ինֆորմացիա տրամադրել:

«Ֆեյսբուքում մի քանի անգամ լայք դնելը, նկար տեղադրելը, չեքին լինելը որոշակի խմբերի կարող է ձեր մասին այնքան ինֆորմացիա տալ, որի մասին դուք չեք էլ կասկածում: Էսօր առանց գիտակցելու տոտալ վերահսկողության վարքագծի տակ ենք մեր վարքագծի պատճառով, բայց էստեղ մի հարց է առաջանում` արդյոք Կառավարությունն ունի տեխնիկական հնարավորություններ ու գործիքակազմ, որ կարողանա այդ ինֆորմացիան մշակել»,- ասաց նա:

Թունյանը նման իրավիճակում քաղաքացիների որոշակի իրավունքների սահմանափակման ճանապարհով գնալն արդարացված է համարում, սակայն շեշտում է` այն պետք է բալանսավորված լինի: Եթե հավաքագրված տեղեկությունը չի կարող որևէ կերպ նպաստել համաճարակի տարածման դեմ պայքարում, ապա այդ պարագայում, ըստ նրա, պետք է զգույշ մոտենալ ազատությունների սահմանափակմանը:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter