Ռուսաստանում ՀՀ դեսպանությունը քիչ առաջ ֆեյսբուքյան էջով հայտարարություն է տարածել՝ նշելով, որ վաղը՝ ապրիլի 7-ին, ռուսական «Red Wings» ավիաընկերությունը Մոսկվայի «Դոմոդեդովո» օդանավակայանից իրականացնելու է երկրորդ չարտերային չվերթը դեպի Երեւան: Հիշեցնենք, որ այսօր երեկոյան ավիաընկերությունը տարհանել է ՀՀ քաղաքացիների առաջին խմբին: 

Դեսպանությունը հայտնել է, որ չվերթը կայանալու է 15:40-ին, ու Երեւան ժամանելուց հետո քաղաքացիները ենթարկվելու են 14-օրյա պարտադիր կարանտինային ռեժիմի:  

«Զվարթնոց» օդանավակայանի կայքից էլ տեղեկանում ենք, որ ժամանումը նախատեսված է Երեւանի ժամանակով 19:25-ին: 

«Դոմոդեդովո» օդանավակայանից լուսանկարները տրամադրել է Մարիամ Հովսեփյանը