Գերմանիայում բուժվել է կորոնավիրուսով վարակակիրների կեսից ավելին
Գերմանիայում բուժվել է կորոնավիրուսով վարակակիրների կեսից ավելին։ Այդ մասին գրել է գերմանական «Deutsche Welle» պարբերականը։ Համաձայն ապրիլի 13-ին Ռոբերտ Քոհի անվան ինստիտուտի (RKI) մշակած տվյալների՝ Գերմանիայում գրացվել է կորոնավիրուսի 123 016 դեպք, որը 2537-ով ավելին է, քան մեկ օր առաջվա տվյալները։ Մեկ օրվա ընթացքում կորոնավիրուսից մահացած պացիենտների թիվը հասել է 126-ի՝ հատելով 2799-ի սահմանը։
Նույն ինստիտուտի տվյալներով՝ երրորդ օրն է արդեն, որ Գերմանիայում կրճատվում է կորոնավիրուսով վարակվածների և կորոնավիրուսից մահացածների թիվը։ Միևնույն ժամանակ տվյալները, որոնք մշակվել են RKI-ի կողմից, կարող են լինել թերի՝ կապված հանգստյան օրերին տեղեկատվության ստացման ուշացումների հետ։
Ավելի վաղ հայտնել էինք, որ ապրիլի 15-ին Գերմանիայի կանցլեր Անգելա Մերկելը տեսազանգ կունենա գերմանական դաշնային հողերի ղեկավարների հետ, որպեսզի քննարկի կորոնավիրուսի պանդեմիայի դեմ պայքարի հետագա ռազմավարությունը։ Քննարկման թեմաներից մեկը կլինի ներդրված սահմանափակումների մեղմացումը։
Լուսանկարը՝ «Ֆրանսպրես» գործակալության
Մեկնաբանել