Կառավարության այսօրվա՝ ապրիլի 14-ի որոշմամբ հաստատվել է կորոնավիրուսի տնտեսական հետեւանքների չեզոքացման 12-րդ միջոցառումը, որով սպառված գազի եւ էլեկտրաէներգիայի գումարի 30 տոկոսի չափով փոխհատուցում կստանա շահառուների մեկ այլ խումբ։

Ըստ նոր որոշման` միջոցառման շահառու են հանդիսանալու գազի եւ էլեկտրաէներգիայի սպառող այն բաժանորդները, որոնց կոմունալ վճարումները փետրվար ամսին կազմել են`

- բնական գազի սպառման գծով՝ 10 001-30 000 դրամ

- էլեկտրաէներգիայի գծով՝ 5001-10 000 դրամ ներառյալ։

Որոշմանն ավելի մանրամասն ծանոթացեք այստեղ:

Հիշեցնենք, որ ապրիլի 13-ի որոշմամբ էլ 11-րդ միջոցառման շահառուներ կարող են դառնալ այն բնակիչ բաժանորդները, որոնց 2020 թվականի փետրվար ամսվա ծախսը չէր գերազանցել՝

-բնական գազի սպառման գծով՝ 10 000 դրամը,

-էլեկտրաէներգիայի սպառման գծով՝ 5 000 դրամը

Այս միջոցառման շահառուներին փոխհատուցում է տրամադրվելու 50 տոկոսի չափով: