HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

Արարատ Միրզոյան. «ԱԺ աշխատակազմում վարակակիր ունենք»

Խորհրդարանի աշխատակազմում կորոնավիրուսով վարակված անձ կա:

Այս մասին խորհրդարանի նիստում հայտարարեց ԱԺ նախագահ Արարատ Միրզոյանը:

«ԱԺ աշխատակազմում վարակակիր ունենք, իհարկե առողջություն ենք մաղթում վարակակրին: Տվյալ անձը մեկուսացված է, շփման շրջանակը հստակեցված և մեկուսացված»,- ասաց ԱԺ խոսնակը:

Միրզոյանի խոսքով` ակնկալվում է շարունակել խորհրդարանի բնականոն աշխատանքը` կիրառելով անվտանգության համապատասխան միջոցներ:

ԱԺ նախագահը նշեց, որ խորհրդարանի շենքում ձեռնոց կամ դիմակ կրելու պարտադրանք չկա, սակայն կոչ արեց հանրային առողջության համար ավելի զգոն լինել, որպեսզի հնարավորինս կանխվի տարածումը:

ԱԺ աշխատակազմի ղեկավարի տեղակալ Լիլիթ Մինասյանը մեզ հետ զրույցում ասաց, որ կոնտակտավոր անձը երեկ է տեղափոխվել Նորքի ինֆեցիոն հիվանդանոց և թեստավորվել, և ամենայն հավանականությամբ արդյունքները հայտնի են դարձել քիչ առաջ, երբ նիստին հայտարարեց Արարատ Միրզոյանը: Մինասյանի խոսքով` գիշերը խորհրդարանի վարչական շենքն ամբողջությամբ ախտահանվել է:

Վարակակիր անձը ԱԺ պատգամավոր չէ:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter