Արտաքին գործերի նախկին նախարար Էդվարդ Նալբանդյանը տեսակապի միջոցով մասնակցում է ապրիլյան պատերազմի դեպքերը ԱԺ քննիչ հանձնաժողովի աշխատանքներին: Նախկին նախարարը տեսակապի միջոցով է մասնակցում, քանի որ այս պահին Ռուսաստանում է: Հիշեցնենք, որ հանձնաժողովի նախագահ Անդրանիկ Քոչարյանը լրագրողների հետ զրույցում ավելի վաղ հայտնել էր, որ դիմել է ՌԴ-ում Հայաստանի դեսպանին հանդիպումը կազմակերպելու համար:

Հանձնաժողովն արդեն հյուրընկալել է մի շարք գործող ու նախկին պաշտոնյաների` երրորդ նախագահ Սերժ Սարգսյանին, նախկին վարչապետ Կարեն Կարապետյանին, Զինված ուժերի գլխավոր շտաբի պետ Արտակ Դավթյանին, Արցախի պաշտպանության բանակի նախկին հրամանատար Լևոն Մնացականյանին, պաշտպանության նախկին նախարար Սեյրան Օհանյանին, Զինված ուժերի գլխավոր շտաբի հետախուզական վարչության նախկին պետ, վարչապետի խորհրդական Արշակ Կարապետյանին` ընդ որում երկու անգամ:

2016-ի ապրիլին ծավալված ռազմական գործողությունների հանգամանքներն ուսումնասիրող ԱԺ քննիչ հանձնաժողովը ստեղծվել է նախորդ տարվա մայիսին՝ 47 պատգամավորի դիմում-պահանջով:

Լրացում

Նիստը սկսվել ու ընդհատվել է տեխնիկական խնդիրների պատճառով: Հանձնաժողովի նախագահ Անդրանիկ Քոչարյանը լրագրողների հետ զրույցում ասաց, որ նիստը կշարունակվի 16:40-ին: