HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Անյա Սարկիսովա

Գյումրու ինֆեկցիոն հիվանդանոցում կորոնավիրուսով վարակված 81 հիվանդ է բուժվում

Գյումրու ինֆեկցիոն հիվանդանոցում հունիսի 1-ի դրությամբ կորոնավիրուսով վարակված 81 մարդ է բուժվում, որից 22-ը Շիրակի մարզի բնակիչ է։ «Գյումրու ինֆեկցիոն հիվանդանոց» ՓԲԸ-ում բուժում են ստանում ինչպես մարզի, այնպես էլ հանրապետության մյուս տարածաշրջանների կորոնավիրուսով վարակված քաղաքացիները: Կորոնավիրուսից առողջացել և հիվանդանոցից մինչ օրս դուրս է գրվել 263 պացիենտ, որոնցից 185-ը մարզի բնակիչ է։ Այս տեղեկությունները «Հետքի» գրավոր հարցմանն ի պատասխան հայտնել են Շիրակի մարզպետարանից:

Շիրակի մարզում հունիսի 1-ի դրությամբ արձանագրվել է կորոնավիրուսի 290 դեպք: COVID-19-ի խոշոր օջախներն այս մարզում եղել են Գյումրին և Անիի տարածաշրջանը:

0-18 տարեկանների վարակման 31 դեպք է գրանցվել մարզի Գյումրի քաղաքում, Անիի, Ախուրյանի, Արթիկի և Աշոցքի տարածաշրջաններում:

Տնային ինքնամեկուսացման մեջ է 320 քաղաքացի, նրանցից 24-ի թեստի պատասխանները դրական են, վերջիններիս մոտ հիվանդությունն ուղեկցվում է առանց ախտանիշների: Արձանագրվել է մահվան 10 դեպք:

Մարտի 1-ից մինչ օրս մարզում իրականացվել է 2037 նմուշառում:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter