Եվրասիական տնտեսական հանձնաժողովի՝ դեղագործական միջոցների գծով կոմիտեն երեկ քննարկել է միասնական դեղագրքի ներդրման ու GMP հավաստագրի տրամադրման ժամկետները, ինչպես նաև՝ դեղագործական ապրանքների գրանցման ժամանակ ի հայտ եկող տարաձայնությունների կարգավորման մեխանիզմները։

Հարցերը քննարկվել են՝ հաշվի առնելով «օգուտ-վնաս» սկզբունքը, որոնք ներկայացվել են երրորդ կողմի՝ ռեֆերենտ պետության փորձագիտական եզրակացություններում։ Փորձագիտական հանձնաժողովը դրական է գնահատել ԵՏՀ՝ միասնական դեղագրքի ստեղծման նախաձեռնությունը։

Նշվում է, որ այն դեղարտադրողները, որոնք մինչ այս ստացել էին Միության պահանջներին համապատասխան գրանցման վկայական, պետք է անցնում կատարեն ԵԱՏՄ միասնական դեղագրքին մինչև 2026թ հունվարի 1-ը։

Բացի այդ, հաստատվել է 2016թ նոյեմբերի 3-ին ընդունված № 93 որոշման մեջ փոփոխություններ կատարելու նախագիծը, որով մինչև 2025թ ավարտը երկարացվում է ԵԱՏՄ երկների GMP-ի (ՊԱԳ- պատշաճ արտադրական գործունեություն) ճանաչման գործընթացը՝ դրանց ազգային վերագրանցման և դեղորայքային ապրանքի գրանցման դոսյեում փոփոխություններ իրականացնելու համար։

Այս փաստաթղթով սահմանվում է նաև, որ ԵԱՏՄ լիազոր մարմինները արտասահմանյան արտադրողների GMP հավաստագրերի գրանցման փաստաթղթերում փոփոխությունները պետք է դարձնեն փոխադարձ ճանաչելի։ Այս գործընթացի համար որպես վերջանաժամկետ է սահմանվել 2025թ դեկտեմբերի 31-ը։

Հիշեցնենք, որ դեռևս 2017թ մայիսի 6-ից Եվրասիական տնտեսական միության երկրներում դեղարտադրության բոլոր փուլերը՝ մշակում, արտադրություն, դեղագործական արտադրանքների կլինիկական և նախակլինիկական փորձարկումներն իրականացվում էին Եվրասիական տնտեսական հանձնաժողովի ընդունած որոշումներին համապատասխան: 

Հենց այդ ժամանակ է որոշվել ստեղծել միասնական դեղագիրք.  և մինչև 2020թ տեղական դեղարտադրողները հնարավորություն ունեին ընտրելու՝ գրանցել իրենց դեղորայքը ազգային, թե ՝ ԵԱՏՄ կանոնակարգերով:

Ըստ ԵՏՀ-ի՝ առաջարկված այս նոր փոփոխությունները թույլ կտան դեղագործական ընկերություններին և այլ արտասահմանյան դեղարտադրողներին ևս 5 տարի շարունակել դեղերի շրջանառությունը ԵԱՏՄ շուկաներում՝ չծախսելով ավել ֆինանասկան միջոցներ և չիրականացնելով հավելյալ արտադրություն՝՝ ԵԱՏՄ անդամ ամեն երկրում կրկնակի փորձաքննություն, ստուգում իրականացնելու համար։ Սա էլ իր հերթին կապահովի բնակչության համար դեղերի մատչելիությունն ու արտադրողներին կառաջարկի շահավետ պայմաններ ԵԱՏՄ շուկա մտնելու համար։

Նշենք, որ Հայաստանը վերջին տարիներին հանդիսանում է դեղարտադրող. ավելի շատ դեղորայք է արտահանում, քան ներկրում։ 2016-2020թթ., Հայաստանը արտահանել է 12 289 տոննա դեղամիջոց՝ 47 մլն 650 հազար ԱՄՆ դոլարի։ Հայկական դեղերի 82 %-ն արտահանվում է Վրաստան։

Գլխավոր լուսանկարը՝ Վլադիմիր Աստապկովիչ / РИА Новости