HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Բողոքի ակցիա ՄԱԿ-ի երևանյան գրասենյակի դիմաց (լուսանկարներ)

Տասնյակ քաղաքացիներ այսօր՝ հոկտեմբերի 16-ին, Միացյալ ազգերի կազմակերպության (ՄԱԿ) երևանյան գրասենյակի դիմաց ակցիա էին կազմակերպել ի նշան բողոքի, որ միջազգային կառույցը քայլեր չի ձեռնարկում Ադրբեջանի կողմից Արցախի դեմ սկսած պատերազմը կանգնեցնելու ուղղությամբ։

Ակցիայի կազմակերպիչ Արմինե Մելքոնյանը հայտարարեց, որ ադրբեջանական լրատվամիջոցներում տարածվել են հայ զինվորների դիակների անարգման և գերիների նկատմամբ խոշտանգումները հավաստող փաստեր, իսկ ՄԱԿ-ը լռում է։ Միջազգային կազմակերպության լռությունը զայրացրել է հավաքի մասնակիցներին, բացի լռությունից` վրդովեցրել է այն հանգամանքը, որ Ադրբեջանում խաղաղ բնակիչների զոհվելու դեպքերը ՄԱԿ-ը դատապարտել է, իսկ Արցախում տեղի ունեցողը չեն նկատում։ «Մենք փաստեր ենք բերել ՄԱԿ-ի գրասենյակ։ Ի լուր աշխարհի պետք է ցույց տանք, որ ոտնահարվում է մի ամբողջ ազգի իրավունք»,- լրագրողների հետ զրույցում ասաց Արմինե Մելքոնյնաը։

Հավաքի մասնակիցներից Համլետ Դանիելյանն էլ հայտարարեց, որ ՄԱԿ-ն իր խաղաղասիրական առաքելությունը չի իրականացնում։ «Ես ուզում եմ, որ այստեղ գա ՄԱԿ-ի գրասենյակից պատասխանատու մարդ և մեզ ասի՝ ոնց է ընթացակարգը, որ անվտանգության խորհրդի նիստ տեղի ունենա, այս հարցը դրվի քննարկման»,–-նշեց Դանիելյանը։

Ազգային ժողովի նախկին պատգամավոր Անահիտ Բախշյանը, որը տարիներ առաջ համագործակցել է ՄԱԿ-ի մանուկների հիմնադրամի հետ, նկատեց, որ չի հասկանում ՅՈւՆԻՍԵՖ–ի լռությունը, երբ ոտնահարվում է արցախցի երեխաների կրթության իրավունքը։ «Այնտեղ լավ գործընկերներ եմ ունեցել, այսօր ուղղակի ուզում եմ բոլորին ասել՝ ամոթ ձեզ։ Տարիներ շարունակ, փաստորեն, կեղծիքով եք զբաղվել և այն պատրանքը, որ մեր մեջ ներշնչել եք, թե դուք մեր երեխաների իրավունքներն եք պաշտպանում, այսօր հօդս է ցնդել։ Ուշքի եկեք, խելքի եկեք»,- հայտարարեց Անահիտ Բախշյանը։

Բժշկական համալսարանի ուսանող Վահե Գրիգորյանն ակցիայի ժամանակ պառտեց ՄԱԿ-ի մանկական հիմնադրամի՝ ՅՈւՆԻՍԵՖ–ի կողմից իրեն տրված վկայականը։ Ուսանողն իր այդ քայլը բացատրեց նրանով, որ իրեն տրամադրված շնորհակալագիրը պետք չէ, քանի որ ՄԱԿ-ի արժեքները կեղծ են։ «ՅՈւՆԻՍԵՖ–ի շնորհակալագրերը մեզ պետք չեն, քանի որ իրենց արժեքները կեղծ են։ Հիմա Արցախից 24 հազար երեխա զրկված է իր հիմնարար իրավունքներից՝ կրթության, ազատ ապրելու իրավունքից, իրենց ընտանիքների հետ ապրելու իրավունքից։ ՄԱԿ–ը, կոչերից բացի, ոչինչ չի անում։ Ժամանակն է գործելու»,- ասաց ուսանողը։

Բողոքի ակցիայի մասնակիցներին լսելու նպատակով ՄԱԿ-ի Երևանյան գրասենյակի անվտանգության հարցերով խորհրդատու Ինք Փենիլայը դուր եկավ ՄԱԿ-ի գրասենյակի շենքից։ Ակցիայի մասնակիցներին լսելուց հետո ասաց, որ ինքը տեղյակ է, թե ինչ է կատարվում Արցախում, բայց ոչինչ չի կարող անել։ Այս պատասխանն առաջացրեց ակցիայի մասնակիցների դժգոհությունը։

Մեկնաբանություններ (1)

Something
So? You occupy and make people leave their homes, when they come back to chase you away - you ask UN to protect you? Such a shitty way of doing business

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter