HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արցախի անկախության ճանաչման պահանջով բողոքի ակցիա` ԱՄՆ դեսպանատան դիմաց (լուսանկարներ)

Մի խումբ քաղաքացիներ այսօր հավաքվել էին Հայաստանում ԱՄՆ դեսպանատան դիմաց և պահանջում էին, որպեսզի Միացյալ Նահանգները ճանաչի Արցախի անկախությունը։

Ակցիայի կազմակերպիչ Արմինե Մելքոնյանը հայտարարեց, որ չեն պատրաստվում նամակ հանձնել դեսպանատանը, այլ պահանջում են հստակ գնահատական Արցախում կատարվող իրադարձություններին։ «Բավական է ջայլամային քաղաքականությամբ գլուխը մտցնել հողի մեջ և անտեսել մի ամբողջ ժողովրդի»,- հայտարարեց Արմինե Մելքոնյանը։

Ազգային ժողովի նախկին պատգամավոր Անահիտ Բախշյանը, որը միացել է ցուցարարներին, հայտարարեց, որ ԱՄՆ-ն, որպես ԵԱՀԿ Մինսկի խմբի համանախագահող երկիր, կարող է մեծ դերակատարություն ունենալ հակամարտության կարգավորման ուղղությամբ։ Նա հիշեցրեց, որ այսօր սպասվում է ՄԱԿ-ի անվտանգության խորհրդի նիստը, որտեղ համանախագահների դիրքորոշումը չափազանց կարևոր է։ Ինչպես ԱՄՆ-ից, այնպես էլ մյուս համանախագահ երկրներից նախկին պատգամավորը պահանջում է հավասարության նշան չդնել հակամարտության կողմերի գործողությունները գնահատելիս։

«Մենք պահանջում ենք ԱՄՆ-ից, որպեսզի ճանաչի Արցախի անկախությունը»,- ասաց Անահիտ Բախշյանը։ Հարցին՝ ինչպե՞ս եք գնահատում պատերազմական օրերին ԱՄՆ-ի վարքագիծը, նա պատասխանեց, որ Միացյալ Նահանգների վարքագիծը չի տեսնում, ուր մնաց գնահատի այն։ Անահիտ Բախշյանը բավարար չի համարում Արցախում ստեղծված իրավիճակի վերաբերյալ ԱՄՆ պետքարտուղար Մայք Պոմպեոյի հայտարարությունները։

Հյուսիսատլանտյան դաշինքի՝ ՆԱՏՕ–ի խաղաղապահ առաքելություններում ծառայություն անցկացրած նախկին զինվորական Արման Նիկոյանն էլ հայտարարեց, որ ՀՀ զինված ուժերն ու ռազմաքաղաքական ղեկավարությունն ամեն ինչ անում է, որպեսզի կանխի Արցախում տեղի ունեցող ահաբեկչությունը, որը հասնելու է նաև Եվրոպա, ԱՄՆ և ՆԱՏՕ–ի անդամ այլ երկրներ։

«Չի բացառվում, որ Թուրքիայի անձնագրերով ահաբեկիչները ներթափանցեն նաև ՆԱՏՕ–ի բազաներ։ Այսօր վտանգված են նաև ՆԱՏՕ–ի զինծառայողները»,– հայտարարեց նախկին զինծառայողը՝ կոչ անելով ՆԱՏՕ–ի անձնակազմին ուշադրություն դարձնել ահաբեկչական խմբերին։

Հավաքի մասնակիցներից Արսեն Վարդանյանը, Արմինե Մելքոնյանը Անահիտ Բախշյանը հանդիպեցին Հայաստանում ԱՄՆ դեսպանատան քաղաքական և տնտեսական գծով ներկայացուցչի հետ։ Վերջինս լսել է բողոքի ակցիայի մասնակիցներին և խոստացել վաղը գրություն ուղարկել Վաշինգտոն, որում կնկարագրի իրավիճակը։

Բողոքի ակցիայի մասնակիցները ԱՄՆ դեսպանատան մոտից երթով շարժեցին ԵՄ-ի երևանյան գրասենյակ։

Մեկնաբանություններ (3)

BedrosLA
I am surprised that these people are so naive to make such demands, especially from the US. And to think that Bakhshyan joined such a rally is more unbelievable. Don't they know how global politics work?
Agnelo
People rooted in native locations cannot be made vagabond. There have been many political mistakes made in the past, which have pitted people against people. Personal respect and a place called native home is a birthright which we see denied. If Turkey can occupy part of Cyprus as Turkish land, then what is wrong with Artsakh being recognised as homeland to Artsakh people. It is easy to hurt people of small community just because they can be hurt. What if, the same land was occupied by a powerful country, would the instigator have to courage to instigate violence? United States of America is a land of the brave and of the free. Don't you like to see others free and brave like you somewhere else. We are people of different colour, race, and religion. What all of us yearn is freedom, respect, and peaceful lives. Please let the people of Artsakh have it too. God bless you all.
Թլկատինցի
«Մենք պահանջում ենք ԱՄՆ–ից, որպեսզի ճանաչի Արցախի անկախությունը»,– ասաց Անահիտ Բախշյանը։......Զարմանալի է․ այս կինն էլ հայերէն չի իմանում․․․

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter