Արցախի Հանրապետության նախագահ Արայիկ Հարությունյանը, իր խոսնակի՝ Շուշիի մասին գրառումից քիչ անց դիմել է  հայրենակիցներին։

«Պատերազմական գործողությունները Հանրապետության ամբողջ ճակատով շարունակվում են:  Պաշտպանության բանակը և աշխարհազորն ամուր կանգնած են հայրենի հողի վրա, և թշնամու դեմ մեր պայքարը վարելու ենք մինչև վերջ:

Մեր համախմբված պայքարը կարող է փոխել իրավիճակը, մենք կարող ենք թշնամուն դուրս շպրտել մեր Արցախից, քանի որ պատերազմի ելքը որոշում է ժողովրդի ամուր կամքը: Հայ ժողովուրդը դեռևս կարող է դրսևորել այդ կամքն ու վճռականությունը: Մեզնից յուրաքանչյուրը պետք է ամուր կանգնի իր դիրքերում, և դրական արդյունքը երաշխավորված կլինի:

Ես հավատում եմ»,- ասված է Արցախի նախագահի գրառման մեջ: