Վարչապետի պաշտոնակատար Նիկոլ Փաշինյանի գլխավորությամբ տեղի է ունենում Անվտանգության խորհրդի նիստ։ Այս մասին հայտնում է վարչապետի մամուլի քարտուղար Մանե Գևորգյանը։

Հիշեցնենք՝ այսօր ցերեկը պաշտպանության նախարարությունը հայտնել էր, որ մայիսի 12-ի վաղ առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում։ Հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները, ընթանում են բանակցություններ՝ ստեղծված իրավիճակը հարթելու ուղղությամբ։

Գեղարքունի մարզպետարանն էլ հայտնել էր, որ Ադրբեջանի զինված ուժերը աշխատանքներ են իրականացնում 2020 թվականի նոյեմբերի 9-ի հայտարարությամբ իր վերահսկողության տակ անցած այն հատվածներում, որտեղ ամիսներ առաջ եղանակային պայմանների պատճառով չէր հասցրել դիրքավորվել: