HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արմեն Միրզոյան

Արտահերթ խորհրդարանական ընտրություններին մասնակցել է ընտրելու իրավունք ունեցող քաղաքացիների 49,4%-ը

2021 թվականի հունիսի 20-ի Ազգային ժողովի արտահերթ խորհրդարանական ընտրություններին, ժամը 20:00-ի դրությամբ, ընտրելու իրավունք ունեցող 2 593 572 քաղաքացիներից մասնակցել է 1 281 174-ը կամ 49,4 %-ը։ Այս մասին Կենտրոնական ընտրական հանձնաժողովի տեղեկատվական կենտրոնում հայտնել է ԿԸՀ նախագահ Տիգրան Մուկուչյանը։

Երևանում և մարզերում ժամը 20:00-ի դրությամբ ընտրությունների մասնակիցների պատկերը հետևյալն է` Երևանում 859 000 քվեարկելու իրավունք ունեցողներից քվեարկել են 442 846-ը, կամ 51,55 %-ը, Արագածոտնի մարզում 117 472 քվեարկելու իրավունք ունեցողներից քվեարկել են 58 737-ը կամ 50 %-ը, Արարատի մարզում 223 360 քվեարկելու իրավունք ունեցողներից քվեարկել են 113 625-ը կամ 50,87 %-ը, Արմավիրի մարզում 235 840 քվեարկելու իրավունք ունեցողներից քվեարկել են 104880-ը կամ 44,47%-ը, Գեղարքունիքի մարզում 189 527 քվեարկելու իրավունք ունեցողներից քվեարկել է 86 173-ը կամ 45,47 %-ը, Լոռու մարզում 233 552 քվեարկելու իրավունք ունեցողներից քվեարկել է 109 141-ը կամ 46,73 %-ը, Կոտայքի մարզում՝ 242 022-ից քվեարկել է 121 212-ը կամ 50,08 %-ը, Շիրակի մարզում 226 763 քվեարկելու իրավունք ունեցողներից քվեարկել է 93 510-ը կամ 41,24 %-ը, Սյունիքի մարզում քվեարկելու իրավունք ունեցող 109 726 քաղաքացիներից քվեարկել է 66 252-ը կամ 60,38 %-ը, Վայոց Ձորի մարզում՝ 46 620-ից քվեարկել է 26 132-ը կամ 56,5 %-ը, իսկ Տավուշի մարզում քվեարկելու իրավունք ունեցող 109 690 հոգուց քվեարկել է 58 666-ը կամ 53,48 %-ը։

2018 թվականի դեկտեմբերի 9-ի արտահերթ խորհրդարանական ընտրություններին մասնակցել էր 1 261 105 մարդ կամ 48,63 %-ը։ 

Հիշեցնենք, որ ժամը 20:00-ին փակվել են Հայաստանում գործող բոլոր 2008 ընտրատեղամասերը։ Արտահերթ խորհրդարանական ընտրություններին մասնակցում էր 25 քաղաքական ուժ, որոնցից 4-ը դաշինքներ են, իսկ մնացածը՝ կուսակցություններ։ Նրանցից շատերը նոր ձևավորված ուժեր էին, որոնք մինչ այս անծանոթ էին հայաստանցի ընտրողներին։

Լուսանկարը՝ Անի Սարգսյանի

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter