Նախընտրական քարոզարշավի հետևանքով կորոնավիրուսի հիվանդացության որոշակի աճ է գրանցվելու: Այս մասին լրագրողների հետ զրույցում ասաց առողջապահության նախարարի պաշտոնակատար Անահիտ Ավանեսյանը:

«Նախորդ 7 և 14 օրերի համեմատականները արդեն իսկ ցույց են տալիս մի փոքր աճ։ Ընտրություններից հետո անգամ այս երկու օրը հիվանդացության տեմպի բավական մեծացում ենք նկատում»,-նշեց ասաց Ավանեսյանը:

Նրա խոսքով՝ պատվաստումներն այս ընթացքում պիտի օգնեն, որպեսզի հնարավոր լինի խուսափել նման աճից։ Այսօր պատվաստված քաղաքացիների թիվը, նախարարի պաշտոնակատարի տվյալներով, կանցնի 70 000-ը։ 

Ըստ Անահիտ Ավանեսյանի՝ եթե իրեն առաջարկեն շարունակել պաշտոնավարել որպես նախարար, սիրով կընդունի այդ առաջարկը, իր նախասիրությունը գործադիրում է։