Արդեն երրորդ անգամ Ստեփանավանի հանքային շրջանի Ուռուտի տեղամասի բազմամետաղների հանքավայրում երկրաբանական աշխատանքներ կատարելու շրջակա միջավայրի գնահատման հայտի վերաբերյալ հանրային լսումները չեն կայանում:

«Հետքի» հետ զրույցում Ուռուտ բնակավայրի վարչական ղեկավար Սերգո Ջուլհակյանը հայտնեց, որ այսօր նույնպես Լոռու մարզի Լոռի Բերդ համայնքի Ուռուտ բնակավայրում գյուղացիները դեմ են արտահայտվել, ինչի պատճառով հանրային լսումները կրկին չեն կայացել:

Հիշեցնենք, որ սրանք արդեն երկրորդ անգամ ձախողված հանրային լսումներ էին․ առաջին անգամ այս տարվա մայիսի 14-ին դրանք նույնպես չէին կայացել, քանի որ համայնքի բնակիչները միջամտել և դեմ էին արտահայտվել իրենց համայնքում հնարավոր հանքավայրի բացմանը։ Երկրորդ լսումները` օգոստոսի 10-ին, չէին կայացել, որովհետև ընկերության ներկայացուցիչները չէին ներկայացել հանրային քննարկմանը:

Ուսումնասիրություններն իրականացնելու հայտը ներկայացրել է այս տարվա փետրվարին հիմնադրված «Ջին հոլդինգ լիմիթիդ» ՍՊԸ-ն, որի սեփականատերը Աշոտ Տիգրանի Քալանթարյանն է։

Լուսանկարը՝ civilnet.am-ից