HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

Արարատ Միրզոյանի ու Ռուբեն Ռուբինյանի`Անթալիայի դիվանագիտական ֆորումին մասնակցելու որոշումը կայացված չէ

Հայաստանի արտաքին գործերի նախարար Արարատ Միրզոյանի և Հայաստան-Թուրքիա երկխոսության շրջանակում բանագնաց Ռուբեն Ռուբինյանի` Անթալիայում կայանալիք դիվանագիտական ֆորումին մասնակցության վերաբերյալ հայկական կողմը դեռ որոշում չունի:

Այս մասին խորհրդարանում լրագրողների հետ զրույցում ասաց Արտաքին հարաբերությունների մշտական հանձնաժողովի նախագահ Էդուարդ Աղաջանյանը:

Նշենք, որ Թուրքիայի ԱԳ նախարար Մևլյութ Չավուշօղլուն հայտարարել է, որ Արարատ Միրզոյանն ու Ռուբեն Ռուբինյանը հնարավոր է մասնակցեն մարտի 11-13-ը Անթալիայում կայանալիք դիվանագիտական ֆորումին:

Դիտարկմանը, թե ինչու է Հայաստանի հանրությունն այդ մասին տեղեկանում թուրքական կողմից, Էդուարդ Աղաջանյանն արձագանքեց` կհայտարարվեր այն ժամանակ, երբ կոնկրետ դիրքորոշում և որոշում լիներ մասնակցության վերաբերյալ:

«Որևէ ինֆորմացիա թաքցնելու միտում չկա»,-ասաց նա:

Էդուարդ Աղաջանյանի խոսքով` Ռուբեն Ռուբինյանի և Թուրքիայի բանագնաց Սերդար Քըլըչի նոր հանդիպման պայմանավորվածություն դեռ չկա:

Ինչ վերաբերում է այն հարցին, թե արդյոք իշխող ուժն արդեն կայացրել է Հանրապետության նախագահի պաշտոնում վարչապետի աշխատակազմի ղեկավար Արայիկ Հարությունյանին առաջադրելու որոշում, Աղաջանյանն ասաց` դեռ հստակ որոշում չկա:

«Այս պահի դրությամբ որևէ կայացված որոշում չկա, քննարկվում են տարբեր թեկնածուներ, դրանք կշարունակվեն այնքան ժամանակ, քանի դեռ կայացված որոշում չկա»,-ասաց պատգամավորը:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter