![](/static/articles/14/21/19/l-Q66T71tXwe.jpg)
Ադրբեջանը շարունակում է ականանետեր և խոշոր տրամաչափի զենքեր կիրառել Խրամորթ, Փառուխ և Խնապատ գյուղերի ուղղությամբ
Ադրբեջանական կողմը հրադադարի պահպանման ռեժիմը շարունակում է խախտել Ասկերանի շրջանի Խրամորթ, Փառուխ և Խնապատ գյուղերի ուղղություններով՝ խաղաղ բնակչության նկատմամբ օգտագործելով ականանետեր և խոշոր տրամաչափի հրաձգային զենքեր։ Այս մասին հայտնում են Արցախի ՆԳՆ ոստիկանությունից։
«Ակնհայտ է, որ խաղաղ բնակչությանը թիրախավորելու և ականանետով գյուղերն արկակոծելու հերթական փորձերը նպատակաուղղված են առաջնահերթորեն խուճապ առաջացնելու հասարակության շրջանում:
ԱՀ ՆԳ նախարարությունը հետևում է իրադարձությունների զարգացմանը և պարբերաբար տեղեկատվություն կտրամադրի իրավիճակի մասին:
Միաժամանակ հորդորում ենք բոլոր լրատվամիջոցներին հետևել միայն պաշտոնական տեղեկատվությանը»,- ասված է հաղորդագրությունում։
Հիշեցնենք, որ այսօր վաղ առավոտից Ադրբեջանը խախտել է հրադադարի պահպանման ռեժիմը և 2 արկ արձակել Խնապատ գյուղի ուղղությամբ, այնուհետև՝ ժամը 16։21-ին, 3 ական է արձակել Խնապատ գյուղի ուղղությամբ, 2 արկ էլ ընկել է Փառուխ գյուղի տարածքում։
Մեկնաբանել