Արդեն 3 օր է՝ Արցախը զրկված է գազի մատակարարումից։ Այս մասին մարտի 21-ին հաղորդագրություն էր տարածել Արցախի ԱԳՆ-ն՝ նշելով, որ Ադրբեջանի իշխանությունները կրկին խափանել են Արցախի գազամատակարարումը՝ ցուրտ եղանակային պայմաններում Արցախի բնակչությանը զրկելով ջեռուցման կարևոր ռեսուրսից։

«Հետքը» շրջել է Ստեփանակերտում, եղել քաղաքի գլխավոր ու երկրորդական փողոցներում։

Ստեփանակերտի սուպերմարկետներում դատարկվում են հացի դարակները:

Հացաբուլկեղենի փակ խանութ:

Արցախի տարբեր շրջաններից տարհանված և բազմազավակ ընտանիքներին բաժանվում են գազի բալոններ՝ բարեգործական հիմունքներով:

Մանկական ներկայացում Ստեփանակերտի Վ. Փափազյանի անվան պետական դրամատիկական թատրոնում: Գազի բացակայությունը և եղանակային պայմանները չեն խանգարում Ստեփանակերտի երեխաներին ստանալ հոգևոր սնունդ:

Հադրութից տեղահանված բազմազավակ մայրը՝ Տաթևը և իր 5 երեխաները: Նրանք արդեն մի տարի է՝ ապրում են Ստեփանակերտում գտնվող նախկին «Մալիշ» ռեստորանում: Տան միակ ջեռուցման աղբյուրը փոքր էլեկտրական տաքացուցիչն է:

Գլխավոր լուսանկարում՝ 11 ամսական Արփիի լոգանքը վառարանի մոտ