Եվրոպայի անվտանգության և համագործակցության կազմակերպությունը, որտեղ ներկայում նախագահում է Լեհաստանը, ողջունում է Եվրոպայի խորհրդի նախագահ Շառլ Միշելի միջնորդությամբ Բրյուսելում Հայաստանի և Ադրբեջանի առաջնորդների հանդիպումը և հնարավոր խաղաղության պայմանագրի կնքման գործընթացի շուրջ աշխատանքների մեկնարկը։ Այդ մասին նշվում է կազմակերպության թվիթերյան միկրոբլոգում տարածված հայտարարության մեջ։ 

🇵🇱 @OSCE Chairmanship welcomes the meeting of the leaders of 🇦🇲&🇦🇿 under the aegis of @eucopresident and launching of the process toward the possible peace agreement. The CiO stands ready to assist in all efforts to ensure a stable and peaceful environment in the South Caucasus.

— Polish OSCE Chairmanship 2022 (@PLinOSCE) April 7, 2022

«ԵԱՀԿ նախագահությունը ողջունում է Եվրոպայի խորհրդի նախագահի միջնորդությամբ Հայաստանի և Ադրբեջանի առաջնորդների հանդիպումն ու հնարավոր խաղաղության պայմանագրի կնքման գործընթացի շուրջ աշխատանքների մեկնարկը։ Կազմակերպության նախագահությունը պատրաստ է աջակցել Հարավային Կովկասում կայուն և խաղաղ իրավիճակի ապահովման բոլոր ջանքերին»,- նշվում է հայտարարության մեջ։

Հիշեցնենք, որ ապրիլի 6-ին Բրյուսելում Եվրոպական խորհրդի նախագահ Շառլ Միշելի միջնորդությամբ կայացել էր Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումը։ 4 ժամից ավելի տևած հանդիպման արդյունքներով Փաշինյանն ու Ալիևն արտաքին գործերի նախարարներին հանձնարարել են սկսել խաղաղության պայմանագրի շուրջ բանակցությունների նախապատրաստական աշխատանքները։

Լուսանկարը՝ ԵԱՀԿ պաշտոնական կայքից