Այսօր՝ հունիսի 6-ին, Երևանից հումանիտար օգնություն է ուղարկվել Ուկրաինայում պատերազմող ռուս զինծառայողներին։ Այս մասին հայտնում է Արցախում տեղակայված ռուսական խաղաղապահ զորախմբի Տելեգրամ-ալիքը։

«Այսօր Երևանից Դոնի Ռոստով է ուղարկվել ավելի քան 16 տոննա հումանիտար օգնություն՝ Ուկրաինայի տարածքում հատուկ ռազմական գործողությանը մասնակցող ռուսաստանցի զինծառայողների համար»,- ասվում է խաղաղապահների հաղորդագրությունում։

Թե կոնկրետ ով է նախաձեռնել ռուս զինծառայողներին մարդասիրական օգնության ուղարկումը, ռուսական խաղաղապահը զորախումբը չի մանրամասնում։

Հիշեցնենք, որ այսօր Ուկրաինայում պատերազմի 103-րդ օրն է։