![](/static/articles/14/99/39/l-y1RYiJ9mGl.jpg)
Բացառիկ նորույթ․ Արմենիա Վայնի նոր «Թարիրի» փրփրուն գինին՝ պատրաստված ավանդական եղանակով
Վճարովի բովանդակություն
Ավելի ընդգծված ու նուրբ համ, բուրային ընդգրկուն փնջեր և հագեցած նոտաներ․ Արմենիա Վայնը ներկայացնում է նոր «Թարիրի» փրփրուն գինին՝ պատրաստված ավանդական մեթոդով։
Հայկական գինեգործական շուկան համալրվում է նոր արտադրանքով, որի պատրաստման գործընթացը հետաքրքիր ու բացահայտումներով լի էր, իսկ արդյունքը հավակնում է դառնալ սպառողի նոր ֆավորիտը։
Ընկերությունն այս անգամ ընտրել է խաղուն գինու պատրաստման ամենահին՝ ավանդական մեթոդը, որի օգնությամբ ֆրանսիացիները պատրաստում են աշխարհահռչակ «Շամպայնը» 17-րդ դարից ի վեր։
Թարիրի փրփրունը պատրաստվում է հայկական Կանգուն խաղողի սորտի հատընտիր բերքից, որը ձեռքով տեսակավորվելուց հետո միայն ուղարկվում է խմորման։ Առաջնային խմորումն անցնում է հնարավորինս ցածր ջերմաստիճանում, ինչը պահպանում է հայկական տերրուարին բնորոշ համահոտային առանձնահատկությունները։ Մոտ 10 օր խմորումից հետո սկսվում է Արմենիա Վայն ընկերության հայ, ֆրանսիացի և իտալացի գինեգործների ստեղծագործ աշխատանքը․ ստեղծվում է բացառիկ ասամբյլաժ, որը Հայաստանի տարբեր տարածաշրջաններից եկած բերքի արոմաների ներդաշնակ միաձուլումն է։
Առաջնային խմորումից հետո սկսվում է ամենահետաքրքիր շրջափուլը, որի շնորհիվ էլ մեթոդն անվանում են ավանդական։ Գինեհյութն իր երկրորդական խմորումն անցնում է հենց շշում։ Եվս 40 օր հնացում նստվածքի վրա և «Թարիրի» սուպեր պրեմիում դասի խաղուն գինին պատրաստ է։ Շշալցված վիճակում նստվածքով հնացման պրոցեսն է, որ ավանդական խաղուն գինին դարձնում է ավելի բալանսավորված և նուրբ:
Սակայն այսքանով Արմենիա Վայն ընկերության նոր արտադրանքի ճանապարհորդությունը չի ավարտվում․ Թարիրին նաև 14+ ամիս հնացում է անցնում, հարստանում է նստվածքից եկող թարմ բրիոշային և նուրբ ծաղկային բույրերով: Հնացման ընթացքում շշերը տեղադրվում են բերանով ներքև հատուկ պահարանի՝ պուպիտրի վրա և ամեն օր պտտվում 45 աստիճանով, որպեսզի նստվածքից բույրերի անջատումն ավելի ակտիվ լինի:
«Ավանդական պատրասման եղանակն անհամեմատ ավելի բարդ գործընթաց է, մեծ ջանքեր, ուշադրություն և համբերություն է պահանջում, սակայն արդյունքը, որ ստացել ենք, արժանի էր այդ սպասմանն ու աշխատանքներին»,- նշում է ընկերության գլխավոր գինեգործ Գրիգոր Ալեքսանյանը։
«Թարիրի» ավանդական մեթոդով պատրաստված խաղուն գինին կրում է ուրարտական Մենուա արքայի դստեր անունը և հայկական գինեգործության 6000ամյա մշակույթի արժանի հետնորդն է։ Այն արդեն հասանելի է պրեմիում կարգի վաճառասրահներում և ժամանցի վայրերում խիստ սահմանափակ քանակով։
Մեկնաբանել