«Պարենի պակաս այս պահին Արցախում չկա, գուցե կա առանձին տեսակների խնդիր, բայց, ընդհանուր առմամբ, խնդիր չկա, դեղորայքի պակաս կա, մանկական կերերի և տակդիրների»,- այս մասին հայտնեց Արցախի պետնախարարի խորհրդական Արտակ Բեգլարյանը, որը ՄԱԿ-ի հայաստանյան գրասենյակի առջև երեկվանից նստացույց է սկսել։

Բեգլարյանը նշեց, որ նստացույցը կշարունակի այնքան ժամանակ, քանի դեռ չի բացվել Լաչինի միջանցքը։  ՄԱԿ-ի հայաստանյան գրասենյակից ոչ մի պաշտոնական արձագանք չի եղել։ Կազմակերպության հայ աշխատակիցներից մի քանիսը մոտեցել են Արտակ Բելգարյանին, հարցրել՝ ինչի անհրաժեշտություն կա։ Մանրամասները՝ տեսանյութում։