Փաստաբան Էրիկ Ալեքսանյանի կալանքի ժամկետի երկարաձգման վերաբերյալ քննիչի միջնորդությունը դատարանը մերժել է։ Այս մասին ֆեյսբուքյան իր էջում հայտնել է Ալեքսանյանի պաշտպան Գայանե Պապոյանը։

«Էրիկն ազատ կարձակվի»,- գրել է նա։

• Ձերբակալվել է փաստաբան Էրիկ Ալեքսանյանը

Նշենք, որ Էրիկ Ալեքսանյանը մեղադրվում է դատավոր Արուսյակ Ալեքսանյանին պաշտոնեական լիազորություններն անցնելու հարցում օժանդակելու մեջ:

• ԱԱԾ-ի միջնորդությունը բավարարվեց. դատարանը Էրիկ Ալեքսանյանին կալանավորելու որոշում է կայացրել

Դատավոր Արուսյակ Ալեքսանյանը մեղադրվում է պաշտոնեական լիազորություններն անցնելու և ակնհայտ անարդար դատական ակտ կայացնելու մեջ։ 

• Դատավոր Արուսյակ Ալեքսանյանին կալանավորելու որոշումը կայացրեց նույն նստավայրի դատավորը

Թե՛ Արուսյակ Ալեքսանյանը, թե՛ Էրիկ Ալեքսանյանը չեն ընդունում առաջադրված մեղադրանքը: