Ֆինանսների նախարար Տիգրան Խաչատրյանը կնշանակվի փոխվարչապետ։ Այդ մասին այսօր տեղի ունեցած Անվտանգության խորհրդի նիստում ասել է վարչապետ Նիկոլ Փաշինյանը։

«Մինչ օրակարգի հարցերին անցնելը, ուզում եմ նաև տեղյակ պահել, որ այսօր Հանրապետության նախագահի հետ էլ ենք քննարկել այդ հարցը և փոխվարչապետի պաշտոնում կնշանակվի Տիգրան Խաչատրյանը, ով մինչ այժմ զբաղեցնում էր Ֆինանսների նախարարի պաշտոնը: Ֆինանսների նախարարի պաշտոնում կնշանակվի Վահե Հովհաննիսյանը, ով զբաղեցնում է Ֆինանսների նախարարի տեղակալի պաշտոնը»,- ասել է նա։

Փոխվարչապետի պաշտոնը թափուր էր մնացել Համբարձում Մաթեւոսյանի ազատումից հետո, որի պատճառների մասին պաշտոնապես ոչինչ չասվեց։

Լուսանկարը՝ ՀՀ վարչապետի կայքից