Բրյուսելը պատմական է անվանում Արարատ Միրզոյանի այցը Թուրքիա
Հարավային Կովկասի և Վրաստանի հարցերով ԵՄ հատուկ ներկայացուցիչ Տոյվո Կլաարը կարծում է, որ ՀՀ արտաքին գործերի նախարար Արարատ Միրզոյանի Թուրքիա կատարած այցը պատմական է։ Այդ մասին եվրոպացի գործիչը գրառում է արել թվիթերյան իր միկրոբլոգում։
This is a historic visit following 🇦🇲 decision to support its neighbour in need. Hopefully a harbinger of developments to come in the 🇹🇷-🇦🇲relationship. https://t.co/q4h3yRoLpr
— Toivo Klaar (@ToivoKlaar) February 14, 2023
«Սա պատմական այց է այն բանից հետո, երբ Հայաստանը որոշում կայացրեց աջակցել կարիքի մեջ գտնվող հարևանին: Հուսանք, որ հայ-թուրքական հարաբերություններում սպասվող զարգացումների նախանշան կլինի»,- թվիթերյան իր միկրոբլոգում գրել է Կլաարը։
Հիշեցնենք, որ այսօր Անկարա է այցելել Հայաստանի ԱԳ նախարար Արարատ Միրզոյանը։ ԱԳՆ տարածած հաղորդագրության համաձայն՝ Անկարայի օդանավակայանում հայկական պատվիրակությանը դիմավորել է Հայաստան-Թուրքիա հարաբերությունների կարգավորման գործընթացում Թուրքիայի հատուկ ներկայացուցիչ Սերդար Քըլըչը:
Այնուհետև, տեղի է ունեցել Հայաստանի և Թուրքիայի ԱԳ նախարարների առանձնազրույցը, որին հաջորդել է ընդլայնված կազմով հանդիպումը:
Սա արտաքին գործերի նախարարի պաշտոնում Արարատ Միրզոյանի երկրորդ այցն է Թուրքիա։ 2022 թվականի մարտին Անթալիայում նա մասնակցել էր Անթալիայի դիվանագիտական ֆորումին։
Լուսանկարը՝ abkhazworld.com-ից
Մեկնաբանել