«Ուժը Հայրենյաց» կուսակցության քաղաքապետի թեկնածու Նելլի Հարությունյանը կարծում է, որ Երևանի հիմնական խնդիրը վարչական շրջանների անհամաչափ զարգացումն է, ինչի մասին, նրա խոսքով՝ փաստում են նաև քաղաքի բնակիչները քարզարշավի ընթացքում եղած հանդիպումներին։ Այդ հանգամանքից ելնելով՝ Նելլի Հարությունյանը նշում է, որ իրենք քաղաքային իշխանությունում լինելու դեպքում նախատեսում են Երևանի Փոքր Կենտրոնին տալ ազգային կարևորության հատուկ կարգավորման օբյեկտի կարգավիճակ։

«Նախատեսում ենք ունենալ Երևան քաղաքի քաղաքաշինական կադաստր, որը հստակ կսահմանի քաղաքաշինության, շինությունների արտաքին տեսքին ներկայացվող պահանջները, լուսավորության, կանաչապատման և մյուս բոլոր նորմերը»,- ասում է Նելլի Հարությունյանը։

Խոսելով քարոզարշավի ընթացքի մասին՝ Նելլի Հարությունյանն ասում է, որ գործող իշխանական թիմը չարաշահում է վարչական ռեսուրսը և օգտագործում է պետական ապարատը քարոզարշավի ընթացքում իրենց նպատակներին հասնելու համար։

Ամբողջական հարցազրույցը դիտե՛ք տեսանյութում։