Հայաստանի ազգային հավաքականը ընկերական խաղում 1։3 հաշվով պարտություն կրեց Հյուսիսային Մակեդոնիայի ընտրանուց։ Հանդիպումը տեղի ունեցավ մակեդոնական Ստրումիցա քաղաքում։

Ամբողջ հանդիպումն ընդհանուր առմամբ անցավ հյուսիսմակեդոնացիների առավելությամբ, ինչը և արտացոլվեց խաղի վերջնարդյունքում։ 43-րդ րոպեին խաղի հաշիվը բացեց Ալեքսանդր Տրայկովսկին, իսկ 59-րդ րոպեին Միլան Ռիստովսկին խփեց երկրորդ գնդակը։ Խաղի վերջնամասում՝ 88-րդ րոպեին, էրդոն Դաչին ևս մեկ գոլ խեց մեր ընտրանու դարպասը՝ հաշիվը դարձնելով խոշոր։ Մրցավարի ավելացրած 3-րդ րոպեին Էդուարդ Սպերցյանը տուգանային հարվածից գրավեց մրցակցի դարպասը և կարողացավ թրջել խաղի հաշիվը։ Այս գոլից հետո մրցավարը ազդարարեց հանդիպման ավարտը։

Հիշեցնենք՝ հոկտեմբերի 12-ին Հայաստանի ազգային հավաքականը «Եվրո-2024»-ի որակավորման փուլի շրջանակում հյուրընկալվելիս 0։2 հաշվով պարտվեց Լատվիայի ընտրանուն։ «Եվրոյի» որոկավորման փուլում Հայաստանի հավաքականին մնացել է երկու հանդիպում` նոյեմբերի 18-ին Երևանում Ուելսի հետ, իսկ նոյեմբերի 21-ին՝ դրսում Խորվաթիայի հետ։

«Եվրո-2024»-ի ընտրական փուլի D խումբը, որտեղ ընդգրկված է Հայաստանի հավաքականը, 7 խաղից հետո վաստակած 13 միավորով գլխավորում է Թուրքիայի ընտրանին։ Ուելսն ու Խորվաթիան, որոնք անցկացրել են 6 հանդիպում, 10 միավորով բաժանում են 2-3-րդ հորիզոնականները։ Հայաստանի ազգային հավաքականը 6 խաղից հետո ունի 7 միավոր և գտնվում է 4-րդ տեղում։ Իսկ Լատվիան 7 խաղում վաստակած 3 միավորով եզրափակում է D խմբի մրցաշարային աղյուսակը։

Լուսանկարը՝ ՀՖՖ-ի