«Եվրո-2024»-ում այսօր իր առաջին հանդիպումն անցկացրեց նախորդ առաջնության փոխչեմպիոն Անգլիայի հավաքականը, որը 1։0 հաշվով պարտության մատնեց Սերբիայի ընտրանուն։ Հանդիպումը տեղի ունեցավ Գելզենկիրխենի «Արենա Աուֆշալկե» մարզադաշտում։

Հանդիպման միակ գոլը 13-րդ րոպեին խփեց Անգլիայի հավաքականի կիսապաշտպան Ջուդ Բելինգեմը՝ գլխի հարվածով եզրափակելով Բուկայո Սակայի կատարած փոխանցումը։ Հանդիպման մնացած հատվածը հիմնականում անցավ հավասար պայքարում, սակայն հաշվի մեջ փոփոխություն այդպես էլ չեղավ։

Անգլիայի և Սերբիայի հետ C խմբում ընդգրկված Սլովենիան ու Դանիան ավելի վաղ ոչ-ոքի էին խաղացել։ 

Հունիսի 16-ին կայացել էր նաև D խմբի մեկ հանդիպում, որում Նիդերլանդների հավաքականը 2։1 հաշվով առավելութան էր հասել Լեհաստանի նկատմամբ։

Լուսանկարը՝ ՈՒԵՖԱ-ի