HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Էդիկ Բաղդասարյան

Ինչու են Միացյալ Նահանգներում հայերը հանցագործ դառնում

Մայիսի 18-ին Գլենդելում մի հայ փաստաբանի գրասենյակում նստած սպասում էի նրա հայ հաճախորդներին: Ներս մտավ 40-ին մոտ մի տղամարդ մոտավորապես նույն տարիքի կնոջ հետ: Ամերիկայի հայ իրավաբանների միության մի քանի տասնյակ փաստաբանների հետ ծանոթությունս արդեն իր «պտուղներն» էր տալիս: Այդ օրը ես փաստաբաններից մեկի «օգնականն էի»:

Սկսեցի օգնականի պարտականություններ կատարել, լսել հաճախորդներին, ծանոթանալ նրանց գործերին: Հիմնականում նախկին հայաստանցիներ են: Ես լսում էի նրանց եւ նշումներ անում «շեֆիս» համար: Ամենատարբեր պատմություններ լսեցի՝ գողություն, խարդախություն, բանկի թալան, քարտերի կեղծում: Ներկայացնում եմ այդ պատմություններից մեկը:

Կինը հայտնվել է իրավապահների թակարդում. նրան հանցագործության է մղել ամուսինը: Այդ տղամարդը նույնիսկ իր անունով չէր արել կեղծ գործարքները, գողությունը, խարդախությունը: Երբ փաստաբանն ասաց, որ դատախազը պահանջելու է 180 օրվա բանտարկություն, կինը փղձկաց. նրա աչքերից սկսեցին արցունքներ հոսել, իսկ ամուսինը կողքից սաստող հայացքով նայելով՝ նրան ասաց. «Սուս մնա»:

Տղամարդու հաստ վզին ոսկե հաստ շղթա կար: Այստեղ վզին ոսկյա հաստ շղթա ունենալը գրեթե հավասարազոր է «BMW» ունենալուն: Լոս Անջելեսի հայաստանցի հայերը որքան էլ աղքատ, որքան էլ պարտքերի մեջ լինեն, պետք է «BMW» ունենան եւ, իհարկե, հաստ ոսկյա շղթա:

Ուրեմն այս ընտանիքը, ունենալով 2000 դոլարի կեղծ կրեդիտ գիծ, կարողացել է երկու օրվա ընթացքում (սկսած ուրբաթ երեկոյից, երբ բանկերը չեն աշխատում) խանութներից 25 հազար դոլարի ապրանք գնել: Մի խանութից գնել են համակարգիչ՝ 1500 դոլարով, հետո դուրս են եկել, մի ժամ հետո երեք համակարգիչ են գնել՝ մոտ 1800 դոլար արժողությամբ, հետո գնել են մսաղաց եւ զանազան կենցաղային սարքեր:

Երբ կինը մի պահ փորձեց ինչ-որ ձեւով արդարանալ, փաստաբան «շեֆս» թղթապանակից հանեց եւ կնոջ ուղղությամբ պահելով լուսանկարները՝ ասաց, որ խանութներում արված բոլոր գնումների լուսանկարները ժամերով ֆիքսված են եւ առկա են գործում: Կինն այլեւս ոչինչ չասաց, նորից փորձեց բարձրաձայն արտասվել, ամուսինը դանդաղ թեքեց հաստ վիզը, աչքերը չռեց վրան, ու վերջինս սսկվեց:

Փաստաբանն ասում է, որ լավ կլինի, եթե իրենք ճշմարտությունը ներկայացնեն, որպեսզի ինքը կարողանա իր պաշտպանությունը կառուցել, եւ դատարանում նոր անակնկալներ չլինեն:

Հնարամիտ զույգն առաջին անգամ բանկի իրենց վարկային գծից քիչ չափով կատարել են առաջին գնումը, հետո բջջային հեռախոսով զանգելով եւ տալով բանկային մի հաշվի համար՝ համալրել են այդ գիծը: Սակայն հետագայում պարզվել է, որ այդ բանկային հաշիվը կեղծ է եւ 2010 թվականից սառեցված: Իսկ քանի որ ուրբաթ երեկո է, եւ բանկը չէր աշխատում, այդ մասին պարզ է դարձել մի քանի օր հետո միայն: 

Փաստաբանը հարցրեց, թե ինչ են արել այդքան համակարգիչները, կինն ու ամուսինը միաժամանակ ասացին, որ նվեր են ուղարկել Հայաստան: Փաստաբանը հարցրեց՝ ով է օգտագործել կեղծ հաշիվը եւ վարկային գիծը, ով է բջջայինով զանգել եւ հայտնել հաշվի համարը: Կինը չէր խոսում, նա նայում էր ամուսնուն: Ամուսինը, ձեռքերը սեղանին դրած, ուզում էր ցույց տալ, որ, այսպես թե այնպես ինքն է այս գործի համար պատասխանատու, բայց իրականում հենց ինքն էլ կնոջը դարձրել էր հանցագործ:

Տղամարդը իբրեւ թե չգիտեր, թե ով է արել եւ, իհարկե, հասկանալի էր, որ նա կնոջը նախապես ասել էր, թե ինչպես պահի իրեն եւ ինչ ասի, ուստի ձայնը բարձրացնելով՝ ասաց. «Ես չգիտեմ՝ որտեղից էդ փողերը: Ով արել է, թող նա էլ պատասխան տա, թող գնան պարզեն»: Ապա նայելով կնոջը՝ ասաց. «Դու հլա դուրս գնա էստեղից»:

Փաստաբանն այս անգամ ինքը մի քիչ ձայնը բարձրացրեց՝ ասելով, որ պետք չէ կնոջը դուրս ուղարկել ու նորից բացատրեց. «Եղբայր, գողությունը դու ես արել, դու ես գնել խանութներից այդ ապրանքները, դա քո կնոջ կրեդիտ քարտն է, այդ քարտով են այդքան առեւտուր արել՝ իմանալով, որ այդ հաշվին 2000 դոլար կա: Բոլոր նկարները կան խանութում ապրանքներ գնելիս, այդ խանութների ավտոկանգառներից դուրս գալուց: Բոլոր ապացույցներն ունի մեղադրական կողմը եւ լավ կլինի, եթե այդ փողը ունեք, վճարեք հետ»:

Ամուսինն ասաց, որ չունեն, չեն կարող վճարել այդքան փող: Փաստաբանը խորհուրդ տվեց գումարի մի մասը վճարել, որպեսզի կարողանա դատարանում բանտարկության դեմ փաստարկներ բերել… Հետո տղամարդն ասաց, որ պետք է գնա մտածի:

Չգիտեմ, թե ինչ ավարտ կունենա այս պատմությունը: Բայց նման պատմություններ ամեն օր կարելի է լսել Լոս Անջելեսում: Ամերիկացի մի փաստաբանի հետ, ով տարիներ շարունակ հայ հաճախորդներ է ունեցել, զրուցեցի տարբեր հանցագործությունների մեջ հայերի ներգրավվածության մասին:

«Հայաստանից նոր եկածների համար Կառավարությունից փող գողանալը կարծես թե հանցանք չէ: Առաջին սերունդը, համենայնդեպս, այդպես էր մտածում: Այս երկրում շատ փող կա, եւ մտածում են, որ կարող են գողանալ: Երկրորդ սերունդը մի քիչ փոխվեց: Իսկ երրորդն արդեն ամերիկացի կլինի եւ այդպես չի մտածի»,- ասում է փաստաբան Մարկ Բլեդսթեյնը (Mark Bledstein):

Որոշեցի մասնակցել դատական մի քանի նիստերի: Առաջինը գնացի Բըրբանկի(Burbank) դատարան: Նայում եմ պատին փակցված դատական նիստերի ծանուցումները: Քրեական եւ քաղաքացիական գործեր էին, երեք հայի ազգանուն կար քրեական եւ 6-ը՝ քաղաքացիական գործերով:

շարունակելի

Լուսանկարում՝ Բըրբանկի դատարանը

Մեկնաբանություններ (21)

Steve
Armenians are referred to in the automotive community as “Buybackians” because they tamper with their vehicles to constructively get the manufacturer to buy back the car. They are black listed at dealers due to the enormous amount of resources that goes into defending against their attempts at fraud. Armenians are a crime syndicate; they run body shops, chiropractor offices, towing companies and they’re also insurance adjusters and attorneys. They’re ALL in on the scam. I will never do business with an Armenian in my personal life because most are committing some form of insurance fraud, bank fraud, wire fraud, welfare fraud, or tax fraud. Few have clean hands and live a life of integrity and honor.
Ray
Everyone wants a shot at the American dream. Unfortunately, some found out that by taking, instead of earning, that dream quickly became a reality. The Italians, Jews, Russians, Irish, Germans, Hispanics, Blacks, and a few others in between have done what Armenians are doing today, who has the right to point a finger? Look at what is happening on Wall Street. The crooked shady business men who became rich from stealing from others are off the radar, while a couple of no good crooks from Glendale get front page for stealing chump change to buy meat grinders. I would suggest that the author of this poorly written article does not single out one group of people and generalize the entire post Soviet Armenian immigrants as crooks.
Gary
All US major papers and media outlets have stories about Haiastanzis committing all kinds of criminal acts. It is not a small number and no one has an agenda to make us look bad. This is a consequence of Soviet Armenia mentality: still if you can,why not? specially the government. Utter and total selfishness. It is a moral bankruptcy for a nation who yells their are the 1st Christians.
Lag
Driving a BMW in Glendale is not expensive: you can lease one for around $6,000 per year. Of course you will not be the owner of the BMW, but people will think that you are. And that's all that matters for most Armenians driving such cars.
Aram
One of the reasons that Hayastatsis have had a bad reputation in U.S is that a lot of uneducated and shady characters came along the educated and decent ones while most Armenians from around the world that came to U.S were educated and did not need or got involved with shady affairs.
karen
Եղկելի է.. Հիմա լավ է սրանց նմանները մնան Հայաստանում թե գնան?
hay
dranq hancagorc chen darnum, dranq hancagorc exel en, uxxaki hayastanum et hnaravorutyno chkar anelu
Լեվիկ
Այդ հանցագործները ոչ թէ հայեր են այլ նախկին ՀՀ քաղաքացիներ: Մեծ տարբերութիւն կայ....
haykUS
Edik jan, please continue your stories from LA. More I see them more I believe that LA has quite different Armenian community than in other US cities and majority in LA think ounly how to make money illegaly instead of being good citizens.
Garo
Amot. Darperootyoun chener oordeghi hayer en asonk. Asonk Mart chen, anasooner en. Togh aysbisi martig sadgin punderoo metch kan teh badvavor hayoon anooneh vargapegen. Hos khorhertayin miyoutioun cheh.
Սագօ
Հայաստան, երբ առիթը ընծայուի, հայը հայուն շատ լաւ ալ կը խաբեն ու կը գցեն...Ամերեկայ չհասած արդէն իրենց արհեստը կատարելագործած են...Եթէ բոլոր խաբեբա խարդախ հայերը լքեն հայաստան մարդ չպիտի մնայ խաբուելու....
Hay
Miatsyal [email protected] anhati inqnadrsevorvelu kataryal hnaravorutyun e talis. Amerikan che vor srants hantsagordz e dardzrel. Sranq nergakhtel en amerika vorpes hantsagordznner.
Artur
I am from LA and been here since 1990. Sure some Armenians do bad stuff here but that's a small portion. Most of us are hard working people who love our families and our neighbors. Sad that the bad ones are making the rest of us look bad. Few bad apples are spoiling the rest...
BMW 4-ever
I'm 50 years old, originally from Yerevan, lived in SoCal for over 3 decades. I'd never broken any laws, (except a pair of traffic violation), never was arrested, and never have been in the courthouse (except for Jury Duty). I do drive BMW -- have owned 5 so far, enjoy the fruits of my hard labor, and don't wear a goldchain on my neck. The kicker is, I'm not an exception -- I believe I'm the norm, yet nobody cares to write about people like me. The news is sensentiolized thanks to the people who ARE criminals, and WILL be criminals regardless of their country of residency. Get over it -- Armenians are wondeful in infinite ways, and as with any nationality, criminal elements at times are unavoidable .
Jack Muradyan
There are some ignorant comments in this article and it looks like it was written by a high school student. How can you generize like this? You think everyone is like this? Because of some low lifes you think most people out of Armenia are like this? While I cannot defend these people, but trust me. Majority of Armenians from Armenia are smart hardworking people. I'm surprised an Armenian would write such an ignorant article.
Mikemur
It's not the criminals I'm woried about, because sooner or later they will be caught and put in jail. It's people who use them to make hatefull comments against an entire group that warry me. There are no low against them. The damage they create by dividing and sprading hate among poeple are much bigger then the crimes of these common criminals. It is not a coinsident that our enemies have used same wepons of demonizations and division against us many times before. Other nations are more aware of this danger and you rarly see one of them blaming their own entire group for crimes of a few.
Tom
Maybe the author is generalizing when describing ALL former RA citizens as gold chain wearing, BMW driving hustlers and cheats, but to be fair, whenever you read about Armenians involved in crime, organized or petty, THE MAJORITY COME FROM ARMENIA. This has probably more to do with Armenia's post-Soviet reality than any genetic disposition to crime. Parallels can be made to Soviet Jews cheating the system and engaging in criminal rackets in Brooklyn and elsewhere. The RA Ministry of the Diaspora should be funding research on this aspect of its own diaspora rather than believing it can analyze the traditional diaspora that has precious little connection to present day Armenia.
Christopher
If only Armenians used their brilliant minds at doing better things rather then stealing from the US government and acting so proud of their actions. A smart race of people who will never know where to use their intelligence.
Ani
Sranc nmannern en hayi anunn u hexinakutyuny nsemacnum amboxj ashxarhum. Irenc poxaren es em amachum. Manavand ed hastavzi txamardu knoj, vor struki mnan hnazandvel e tirojy; Guxutyun anel giti, isk pastabani mot xosel chgiti?
Shnork
Shnorhagal enk, Edik, ays hotvadzin hamar.
Մարիաննա
Կարեն, սրանց նմանները հենց Հայաստանի ու համահայաստանյան ընդհանուր մտածելակերպի հետևանքն են, շատ ավելի նախընտրելի կլինի, որ մնան Հայաստանում ու չգնան այլ երկրներում իրենց նորմալ, աշխատասեր ու օրինապաշտ հայրենակիցների անունն արատավորեն: Եվ նախկին հայաստանցիներն (ու ընդհանրապես հետխորհրդային մտածելակերպի բոլոր այն ներկայացուցիչները, որոնց փչացած տրամաբանությամբ պետությունից (որի մասը, ըստ նրանց, կազմում են նաև բանկերը) գողանալը գողություն չէ, այլ ճարպկություն) Ամերիկայում չեն դառնում հանցագործ, պարոն Բաղդասարյան, այլ օգտվում են ամերիկյան տարբեր համակարգների՝ մարդուն վստահելու հատկությունից, ինչը նրանց նմանների պատճառով շուտով արդեն իսպառ կվերանա: Ու ցավալի է, որ Ձեզ նման փորձառու լրագրողը նման անպատասխանատու ընդհանրացում է արել՝ հավասարացնելով մի քանի հարյուր հազարանոց հայ համայնքը մի քանի հազար աննպատակ անուղեղներին...

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter