
Դատախազությունը պահանջում է Վարչական դատարանի դատավոր Անի Հարությունյանից բռնագանձել 17 անշարժ գույք, շուրջ 1 մլրդ դրամ
Հակակոռուպցիոն դատարանը վարույթ է ընդունել Գլխավոր դատախազության՝ ապօրինի ծագում ունեցող գույքի բռնագանձման վերաբերյալ հերթական հայցադիմումը: Այս մասին հայտնում է Գլխավոր դատախազության հանրային կապերի բաժինը։
«Գլխավոր դատախազության ապօրինի ծագում ունեցող գույքի բռնագանձման գործերով վարչությունը պահանջ է ներկայացրել դատարանին՝ Վարչական դատարանի դատավոր Անի Հարությունյանից և նրան փոխկապակցված անձանցից հօգուտ Հայաստանի Հանրապետության բռնագանձել՝
- 13 անշարժ գույք՝ Երևանում, 1 անշարժ գույք Կոտայքում, 3 անշարժ գույք՝ Վրաստանում.
- 1 անշարժ գույքի ձեռքբերման արժեքը.
- 2 տրանսպորտային միջոց.
- 1 իրավաբանական անձում մասնակցությունը.
- 2 չմարված ավանդների գումարները.
- Տրամադրված փոխառության պահանջի իրավունքը.
- 86 միլիոն 930 հազար դրամ՝ որպես ապօրինի դրամական միջոցների մնացորդ.
- 954 միլիոն 519 հազար դրամ՝ որպես ապօրինի եկամտի մնացորդի և օրինական եկամուտներով չհիմնավորվող՝ բարեխիղճ երրորդ անձանց փոխանցված դրամական միջոցների հանրագումար»,- նշված է հաղորդագրության մեջ:
Կարդացեք նաև՝
- Դատախազությունը դատավոր Ա.Հ.-ի նկատմամբ հանրային քրեական հետապնդում հարուցելու որոշում է կայացրել
- Գլխավոր դատախազը դատավորի նկատմամբ քրեական հետապնդում իրականացնելու նպատակով դիմել է ԲԴԽ
Լուսանկարում՝ Անի Հարությունյանը
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել